काठमाडौँ– सरकारको न्यूनतम साझा कार्यक्रमले पुर्णता पाएको छ । एमाले उपाध्यक्षसमेत रहेका उपप्रधान तथा अर्थमन्त्री विष्णु पौडेलको संयोजकत्वमा अर्थमन्त्रालयमा बसिरहेको बैठकले न्यूनतम साझा कार्यक्रममलाई पूर्णता दिएको हो ।
पुस १४ गते बसेको सत्ता साझेदार दलहरूको बैठकले न्यूनतम साझा कार्यक्रम ल्याउने कार्यदल गठन गरेको थियो । अर्थमन्त्री पौडेल नेतृत्वको कार्यदलमा माओवादीबाट वर्षमान पुन, रास्वपाबाट मुकुल ढकाल र राप्रपाबाट धवलशमशेर राणा र जसपाबाट रकम चेम्जोङ छन् । सरकारले गठबन्धनमा सहभागी दलबीच सहमतिका आधारमा साझा कार्यक्रममा आर्थिक समृद्धि र विकासलाई जोड दिएको कार्यदल सदस्य मुकुल ढकालले जानकारी दिए ।
भोलि कार्यदलले शीर्ष नेताहरुलाई बुझाउने शीर्ष नेताहरुलाई बुझाएपछि भोलि नै सार्वजनिक हुने उनको भनाइ छट । कार्यदलले विवादित राजनीतिक मुद्दामा कार्यक्रम सार्वजनिक रुपमा नबोल्ने र अर्थतन्त्रलाई लयमा फर्काउने खालका कार्यक्रमहरूमा केन्द्रित हुने समेत तयारी छ ।
