फिलिपिन्सको राजधानीमा भीषण आगलागी भएको छ । आगलागीबाट दुई हजार परिवार घरबारविहीन भएका छन् । फिलिपिन्सको राजधानी मनिलाको एक आवासीय क्षेत्रमा आगलागी भएको हो ।
आगलागीबाट करिब एक हजार घरटहरा जलेर नष्ट भएका छन् । फिलिपिन्सको वायु सेनाले ‘मनिला बे’ क्षेत्रमा अवैध बसोवास गर्नेहरूको जलिरहेको वस्तीको आगो निभाउन पानीको प्रयोग गर्न हेलिकप्टरहरू पठाएको थियो । आगो नियन्त्रणमा लिन करिब ३० वटा दमकल घटनास्थलमा जम्मा भएका थिए ।
अहिलेसम्म कुनै हताहत भएको खबर प्राप्त नभए पनि आगो निभाउने क्रममा केही अग्निनियन्त्रकहरू घाइते भएका छन् आगलागीको कारण बारे अनुसन्धान भइरहेको प्रहरीले जनाएको छ ।
