काठमाडौँ– सुन्दरता मानिसको आँखामा भर पर्छ । यही कारण ठाउँअनुसार सुन्दरताको मापदण्ड पनि फरक रहेको पाइन्छ । सुन्दरताको कुनै एउटा मत वा आधार भन्ने हुँदैन । यसो भनिरहँदा संसारमा सुन्दरताको मापन नहुने भने होइन । विभिन्न मापदण्ड र विशेषताको आधारमा सुन्दरताको मापन हुने गरेको पाइन्छ ।
तर तपाईँलाई थाहा छ? संसारमा सुन्दर महिलाको सूचीमा को को छन् ? उनीहरुलाई केको आधारमा संसारको सुन्दरताको ताज पहिराइयो वा सुन्दर भनेर घोषणा गरियो ? वैज्ञानिक मापदण्डका आधारमा उनीहरुलाई विश्वकै सुन्दर महिला घोषित गरिएको हो ।
‘गोल्डेन रेसियो’ लाई ग्रीक गणितज्ञहरुले सुन्दरताको मापनका रुपमा हेरेका थिए । छनौट भएका महिलाहरुको नाक, आँखा, ओठ र अनुहारजस्ता विभिन्न भागहरुलाई हेरेर यो मूल्यांकन गरिएको हो । सो मूल्यांकनको आधारमा उनीहरुको नामसमेत सार्वजनिक गरिसकेको छ । यीमध्ये अधिकांश अमेरिकन नागरिक रहेका छन् ।
यी हुन् ती विश्वका १० सुन्दर महिला
जोडी कमर
जोडी कमर बेलायती अभिनेत्री हुन् । उनी गोल्डेन रेसियोको आधारमा विश्वको सबैभन्दा सुन्दर महिलाको सूचीमा परेकी छिन् । उनलाई सो रेसियोको आधारमा ९४ दशमलव ५२ प्रतिशत अंक दिइएको छ । उनी विश्वको सबैभन्दा सुन्दरी महिला हुन् ।
जेन्ड्या
विश्वको दोस्रो सुन्दरी महिलाको रुपमा अमेरिकी अभिनेत्री जेन्ड्या परेकी छिन् । उनी अमेरिकी अभिनेत्रीसँगै गायिका पनि हुन् । उनलाई सुन्दरता र अनुग्रहको लागि समेत चिनिने गरिन्छ । उनले सो मूल्यांकनमा ९४ दशमलव ३७ अंक ल्याएकी छिन् ।
बेल्ला हदिद
विश्वको तेस्रो सुन्दरी महिलामा अमेरिकाकी मोडल बेल्ला हदिद परेकी छिन् । उनी लामो समयदेखि आफ्नो आकर्षक लुक्सका कारण चर्चित छिन् । उनलाई गोल्डन रेसियोको आधारमा ९४ दशमलव ३५ प्रतिशत नम्बर दिइएको छ ।
बेयोन्स
विश्वकी चौथोँ सुन्दरी महिलाको रुपमा अमेरिकी नागरिक बेयोन्स परेकी छिन् । उनी गायिकासँगै अभिनेत्री पनि हुन् । उनले सो मुल्यांकनमा ९२ दशमलव ४४ अंक पाएकी छिन् । अमेरिकासँगै विभिन्न देशको सञ्चार माध्यममा उनको आत्मविश्वास र सुन्दरताको समाचार बनिरहेको हुन्छ ।
एरियाना ग्राण्डे
एरियाना ग्राण्डे अमेरिकन पप गायिका तथा अभिनेत्री हुन् । उनी विश्वको पाँचौँ सुन्दर महिला हुन् । उनले गोल्डेन रेसियोका आधारमा ९१ दशमलव ८१ नम्बर पाएकी छिन् । उनको आँखा र अनुहार निकै सुन्दर छ । यसैको आधारमा उनलाई यसमा छनोट गरिएको हो ।
टेलर स्विफ्ट
विश्वको सुन्दर महिलामध्ये छैटौँ स्थानमा परेकी छिन् अमेरिकाकी टेलर स्विफ्ट । उनी अमेरिकन गायिका तथा गीतकार पनि हुन् । उनले गोल्डेन रेसियो आधारमा ९१ दशमलव ६४ अंक पाएकी छिन् । उनी क्लासिक लुक र आकर्षकसमेत छिन् ।
जोरडन डुन
जोरडन डुन ब्रिटिश मोडेल हुन् । उनी विश्वको सातौँ सुन्दर महिलामा छनौट भएकी छिन् । उनले यसको लागि ९१ दशमलव ३९ प्रतिशत नम्बर पाएकी छिन् । उनी आफ्नो सुन्दर अनुहार र अनौठो फेसन सेन्सले विश्वभर परिचित छिन् ।
किम कार्डशियन
किम कार्डशियन अमेरिकन नागरिक हुन् । उनी विश्वको आठौँ सुन्दर महिलामाको रुपमा सूचीकृत भएकी छिन् । उनी अमेरिकाको रियालिटी टिभी स्टार र व्यवसायीको रुपमा रहेकी छिन् । उनले गोल्डेन रेसियोमा ९१ दशमलव २८ प्रतिशत अंक पाएकी छिन् । उनको अनुहार र शरीरको टोन सधैँ चर्चामा रहन्छ ।
दीपिका पादुकोण
भारतीय अभिनेत्री दीपिका पादुकोण विश्वको सुन्दरी महिलामध्ये नवौँ स्थानमा परेकी छिन् । उनको सुन्दरताको बारेमा कस्टारहरुमा निकै चर्चा हुने गर्दछ । उनले गोल्डेन रेसियोमा ९१ दशमलव २२ प्रतिशत अंक पाएकी छिन् । उनी आफ्नो अनुपम सुन्दरता र आकर्षक मुस्कानका लागि परिचित छिन् ।
होयोङ जङ्ग
उनी कोरियाली मोडेल तथा अभिनेत्री हुन् । उनी दशौँ सुन्दर महिलामा सूचीकृत भएकी छिन् । उनले ८९ दशमलव ६३ प्रतिशत अंक ल्याएकी छिन् ।
