काठमाडौं । काठमाडौं महानगरपालिकाले प्लाष्टिकका फूलमालामा प्रतिबन्ध लगाएको छ । महानगरले आज एक सूचना जारी गर्दै नजिकिँदै गरेको तिहारलाई लक्षित गरी प्लाष्टिकका फूलगुच्छा र माला बिक्री, वितरण र ओसारपसार तथा प्रयोगमा प्रतिबन्ध लगाएको जानकारी दिएको हो ।
अनुगमनका क्रममा यस्ता सामग्रीको बिक्रीवितण वा प्रयोग भएको पाइए वातावरण तथा प्राकृतिक स्रोत संरक्षण ऐन २०७७ बमोजिम कारबाही गर्ने महानगरले चेतावनी दिएको छ ।
