अड्को
–प्रेम पुन मगर
उसले महिना दिन देखि खोज्यो तर कहीँ पाएन । तब दुई महिना पहिलाको कुरा सम्झ्यो—
त्यो बेला ऊ पाँचतारे होटेलमा काम गथ्र्यो । एक दिन साथीलाई चिया खुवाउन जाँदा सानो छाप्रे चिया पसलको साहु इश्वरीलालले भनेका थिए—
मेरोमा काम गर्ने मान्छे भाग्यो, कोही छ भने ल्याइदेउ न भाइ ।
ऊ उनकै पसलमा पुग्यो । एक कप चिया पराठा माग्यो । खाँदै सोच्न थाल्यो—
के के परिपाटी नमिलेर मेरो त्यति राम्रो जागिर गुम्यो । अब यीनले पक्कै पनि काम देलान् नि ! नयाँ मान्छे खोजेका थिए ।
खाइसकेर कुरा निकाल्न खोज्दै थियो, साहु इश्वरीलालले भने—
भाइ ! ग्राहक जतिर बिदेशतिर गइसके, पसल फिटिक्कै चलेन । तिम्रो साहुकोमा मलाई पनि काम लाइदेउ न है ।
साभारः लघुकथा कुनोबाट
