उदयपुर : जिल्लाको त्रियुगा नगरपालिका क्षेत्रमा भाइरल ज्वरोको बिरामी बढेका छन् ।
अस्पताल प्रशासनका अनुसार ५० शय्या क्षमताको अस्पतालमा दैनिक ३०० भाइरल ज्वरोका बिरामी आउने गरेका छन्। त्रियुगा नगरपालिका क्षेत्रको गाईघाट,पुरानो गाईघाट,असारी मोतिगडा,देउरी,बगाहा,जलजले,राजाबास,चुहाडे, लक्ष्मीपुर,पोर्ताह,खैराहा झोडा, बिषणपुर,खैजनपुर,मोथ्याई र जोगिदह क्षेत्रमा अहिले भाइरल फैलिएको छ।
बिरामीको सङ्ख्या बढैसँगै जिल्ला अस्पतालमा शय्या अभाव भएको छ। पर्याप्त शय्या अभावमा उपचार गर्न कठिन भएको अस्पतालका सूचना अधिकारी रमेश श्रेष्ठले बताए। ‘बिरामीलाई भुइँ राखेर उपचार गर्नुपरेको छ, अन्य रोग लागेका बिरामीलाई बेड छैन। भाइरल ज्वरोका बिरामीको चाप अनपेक्षित रूपमा बढेको छ’, उनले भने।
त्रियुगा क्षेत्रमा भाइरलको प्रकोप बढेसंगै जिल्ला अस्पतालमा पनि बिरामीको चाप ह्वात्तै बढेको जिल्ला अस्पताल उदयपुरले बताएको छ।
