नेपालमा व्यावसायिक स्तरको मकै उत्पादन गर्ने उच्च सम्भावना हुँदाहुँदै पनि रूपा चौधरी जस्ता धेरै किसानहरूले परम्परागत खेती गर्ने तरिका प्रयोग गरी कम गुणस्तरको मकै उत्पादन गरिरहेका थिए।
मकैको बढ्दो माग पूरा गर्न रुपा जस्ता कृषकहरूले USAID KISAN II अन्तर्गत निजी क्षेत्रका साझेदारहरूको सहयोगमा आफ्नो कृषि उत्पादन गर्ने अभ्यासहरू परिवर्तन गर्दै ल्याए । नयाँ जानकारी र गुणस्तरीय कृषि सामग्रीमा पहुँच बढेपछि रूपाले उच्च उपज गुणस्तरीय व्यावसायिक स्तरको मकै बाली उत्पादन गर्न थालिन् र २०२२ मा उनले मकै उत्पादन ६०% ले बढाईन् ।
महिलाहरूले नेतृत्व गरेको एग्रीगेटर पार्टनर अन्नपूर्ण सप्लायर्सलाई मकै बेचेर, रूपाले ६०% बढी मूल्य प्राप्त गरिन्। यसले उनको आम्दानी बढ्यो, उनले थप मेसिनहरू किनिनन्, आफ्नो खेती विस्तार गरिन् र घर पनि बनाउन सफल भईन्। किसानहरूलाई बाली भित्र्याई सकेपछि चाहिने र बजार व्यवस्थापन सेवाहरू प्रदान गरेर अन्नपूर्ण सप्लायर्सले मकैको आपूर्ति बढाउन र आयातमा निर्भरता घटाउन मद्दत गरेको छ।
अप्रिल २०२२ देखि, USAID KISAN II ले ११ वटा सामूहिक साझेदारहरू मार्फत, ७,६००+ किसानहरू (४९% महिला, ९०% सीमान्तकृत समूह) लाई व्यावसायिक मकै उब्जाउन मद्दत गर्दै मकैको उत्पादनमा १९०% वृद्धि गरेको छ भने दाना बनाउने मिल र पोल्ट्री फार्महरूमा १५,३७५ मेट्रिक टन व्यावसायिक मकै आपूर्ति गरेको छ। यसले नेपाललाई आत्मनिर्भरताको नजिक ल्याउँदै पनि छ।
