महावीरका केही अमर वाणीहरु

१) निकृष्ट चिन्तन नगर । कसैलाई व्यङ्ग्य गरेर नहाँस ।
२) ब्रह्मचर्यको आचरण गर । निर्वाणको सन्धान खोज, गर ।
३) कसैसँग नडराऊ र कसैलाई डर नदेखाऊ ।
४) सुन्ने अभ्यास गर । सुन्नाले पाप–पुण्यको, धर्म–अधर्मको र सत्यासत्यको ज्ञान प्राप्त हुन्छ । मनुष्यले बाँच्ने कला सिक्छ । एक अर्काप्रति मनमा बसेका भ्रान्तिको समाधान हुन्छ । वास्तविकता अगाडि दृष्टिगोचर हुन्छ । अतः अवश्य सुन ।
५) सुनेका कुरा सम्झने बानी बसाल । एक कानले सुन्ने र अर्काेबाट निकाल्ने नगर । इनारको पानीले भरिएको चाल्नो जसरी इनारबाट माथि तान्ने बेरमा खाली भइसक्छ । त्यस्तै किसिमले सुनेका तथ्य बिर्सने गल्ती नगर । यदि सत्यसँग वा विद्या–मन्दिरमा सुनेको पाठ स्मरण गरेनौ ने त जीवनमा कहिल्यै उन्नति प्रगति गर्न सक्ने छैनौ ।
६) खराब कुराबाट बचेर रहने व्यक्ति त्यसको दुष्परिणामबाट सधैँ टाढै रहन्छ । ऊ सधैँ निर्भयतापूर्वक बाँच्दछ ।
७) नयाँ नयाँ दोषबाट सावधानीपूर्वक सधैँ बच्ने गर । भ्रष्टाचार एउटा भयङ्कर दलदल हो । त्यस दलदल अथवा भासबाट सधैँ टाढै रहनू ।
८) जेजति भूल अतीतमा गरिसकियो तिनबाट मुक्ति पाउनका लागि मानिसले तपस्याको सहायता लिनुपर्दछ । पूर्वसञ्चित दुष्कर्म नष्न गर्नलाई तपस्याले रामवाणको काम गर्दछ । विगतका पापको क्षय गर्नका लागि पश्चात्तापको भट्टीमा बल्नु नै सर्वश्रेष्ठ साधन मानिन्छ ।

साभारः ‘महापुरुषहरुका अमर वाणी’ पुस्तकबाट