इजिप्टका प्रधानमन्त्री मोस्तफा मदबोलीले सब्सिडीयुक्त रोटीको मूल्य २० पिस्टरसम्म बढाउने घोषणा गरेका छन्। नयाँ निर्णय जुन १ देखि लागू हुनेछ। अहिले ५ पिस्टर हुने एउटा रोटीको मूल्य ३० वर्षभन्दा बढी भइसक्दा पनि परिवर्तन नभएको भन्दै उनले उत्पादन गर्न सरकारलाई १२५ पिस्टर खर्च लाग्ने बताए।
मदबोली रोटी सब्सिडी जारी रहने बताए। उत्पादन लागतमा भएको उल्लेखनीय वृद्धिलाई प्रतिविम्वित गर्न समायोजन गर्नुपर्ने बताए। उनले सरकारलाई आर्थिक भार कम गर्न र सहुलियतका वस्तुहरू वास्तवमै आवश्यक पर्ने जनतासम्म पुग्नेगरी अनुदान प्रणालीलाई प्रवद्र्धन गर्ने उपायबारे छलफल भएको बताए।
इजिप्टले ८.५ मिलियन टन गहुँ खपत गर्दछ र प्रति वर्ष १०० अर्ब अनुदानित रोटी उत्पादन गर्दछ।
