एउटा कुरा मनप-यो भनी भगवान् र त्यस्तो एउटा कुरा मन नपरेमा स्वार्थी, दानव आदि बनाउन सक्ने क्षमता मनुष्यको स्वार्थमा छ । अत्यन्त राग तथा रागीको साक्षात्कार नहुँदा मुटुमा धकधक तथा केही हराएजस्तो हुँदो रहेछ । प्रेमीले अन्यथा सम्झिन्छ कि भन्ने चिन्तनमा तथा प्रेमीको दुःखमा, नोक्सानमा, स्वतः जस्तो भएर शून्यता विकलता आइरहन्छ ।
प्रेममार्ग र ज्ञानमार्ग भिन्न होइनन् तर प्रक्रिया भिन्न छ । ज्ञानमा स्वको विनास हुन्छ, प्रेममा स्वको विलय गरिन्छ ।
जो छ, त्यसको सामना गर्नै पर्छ । सानो असावधानी तथा चिन्तन नगर्नाले धेरै दुःख तथा हानिको परिस्थिति निर्मित हुन जान्छ । त्याग एवं क्षमा महामन्त्र हुन्, जो तत्काल कार्य गर्दछन् ।
साभारः ‘विचारप्रवाह’ पुस्तकबाट
