दाङ – तुलसीपुरबाट काठमाडौं जाँदै गरेको ना ६ ख १४८६ नम्बरको रात्री बसको ठक्करबाट मोटरसाइकल चालकको मृत्यु भएको छ।
गोग्लीबाट घोराहीतर्फ जाँदै गरेको लु ४१ प ८०९२ नम्बरको मोटरसाइकललाई बसले ठक्कर दिँदा घोराही उपमहानगरपालिका–१७ निवासी २३ वर्षीय सौगात ओलीको मृत्यु भएको जिल्ला प्रहरी कार्यालय दाङका प्रमुख किरणप्रकाश मल्ले जानकारी दिए।
मोटरसाइकलमा सवार रहेका तुलसीपुर उपमहानगरपालिका–११ बेलदमारका वर्ष ३५ का शरद लामिछाने गम्भीर घाइते भएका छन्।
घोराही उपमहानगरपालिका–१७ बेलभार, सिस्नेखोलाको ओरालोमा बसले मोटरसाइकललाई ठक्कर दिएको थियो। बस चालक प्रहरी नियन्त्रणमा रहेका छन्।
