बलिउडका अभिनेता कार्तिक आर्यन लामो समयदेखि निर्देशकको पहिलो रोजाइमा रहेका छन्।
अहिले उनको क्रेडिटमा धेरै ठूला फिल्म छन्। यो वर्ष २ चलचित्र हलमा आउने भएका छन्। जसमा ‘चन्दु च्याम्पियन’ र ‘भुल भुलैया ३’ समावेश छन्।
पहिलो तस्बिर १४ जुनमा रिलिज हुनेछ। यसबाहेक कार्तिक आर्यन चाँड्डै ‘आशिकी ३’ र कबीर खानको अर्को फिल्ममा देखिनेछन्।
कार्तिक आफ्नो लाइनअपलाई सन्तुलनमा राखेर अगाडि बढिरहेका छन्। अब उनले राष्ट्रिय अवार्ड विजेता निर्देशकसँगको अर्को फिल्म पाएका छन्।
भर्खरै कार्तिक आर्यनले विशाल भारद्वाजसँग आफ्नो अर्को प्रोजेक्टका बारेमा कुराकानी गरिरहेको जानकारी आएको छ।
कार्तिक आर्यनको हातमा ठूलो प्रोजेक्ट !
विशाल भारद्वाजका यसअघिका धेरै फिल्महरू ओटीटी प्लेटफर्ममा आएका छन्। तर, कार्तिक आर्यनसँगको फिल्मकाे चर्चा भने चलिरहेको छ।
यो ठूलो पर्दामा रिलिज हुनेछ। ‘पटाखा’ पछि हलमा रिलिज हुने उनको यो दोस्रो फिल्म हो।
बलिउड हंगामाको रिपोर्ट अनुसार कार्तिक आर्यनको यो फिल्म सन् २०२५ मा सिनेमा घरमा रिलिज हुनेछ।
कार्तिक आर्यन र विशाल भारद्वाजको यो फिल्म छिट्टै सुरु हुने बताइएको छ। अर्थात् यो वर्षको दोस्रो हाफमा फिल्म फ्लोरमा ल्याइनेछ।
‘भूल भुलैया ३’ पछि उनको यो अर्को फिल्म हुनेछ, जुन फ्लोरमा जाने योजना छ।
तर, यो फिल्मअघि कार्तिक आर्यनले ‘भूल भुलैया ३’ को सुटिङ पूरा गर्नुपर्नेछ। जुन उनले हालै सुरु गरेका छन्।
विद्या बालन, तृप्ती डिमरी लगायत सबैले मुम्बईबाट पहिलो सूटिङ सुरु गरेका छन्। त्यसपछि फिल्मको विभिन्न ठाउँमा छायांकन हुनेछ।
यो कार्तिक आर्यनको करियरको सबैभन्दा महत्वपूर्ण फिल्म हो। यद्यपी कार्तिक आर्यनको अर्को फिल्मको बारेमा अहिलेसम्म कुनै आधिकारिक घोषणा गरिएको छैन।
निर्माण पक्षले छिट्टै घोषणा गर्नेछ।
यो फिल्मपछि अर्को वर्ष पनि उनका कम्तीमा दुई फिल्म रिलिज हुने पक्का छ। यसबीचमा नयाँ फिल्म पनि ल्याउन सकिन्छ।
