‘घोस्टस् तथा एडिल्स हाउस’ जस्ता विचारप्रधान नाटकका प्रख्यात नर्वेली नाटककार हेनरिक इब्सनलाई आधुनिक नाटकका जनक मानिन्छ ।
हेनरिक इब्सनको जन्म नर्वेको एउटा व्यापारिक परिवारमा भएको थियो । भनिन्छ— उनी नाजायज सन्तान थिए । उनको बाल्यकाल एकांकीपनमै बित्यो । १६ वर्षको उमेरमा उनले आफ्नो घर छाडे । त्यसपछि उनी एउटा औषधि बिक्रेताको सहायक बने । खाली समयमा उनी पढ्ने, कविता लेख्ने र पेन्टिङ गर्ने गर्थे । केही समयपछि उनी चिकित्सा अध्ययनको लागि ओस्लो गए । नाटककारको रुपमा इब्सनको क्यारियर संयोगबाट शुरु भयो । उनलाई नर्वेजियन नाटकघरमा मेनेजर तथा नाटकको लेखकको कामको प्रस्ताव आएपछि उनको यो यात्रा शुरु भएको हो । ६ वर्षसम्म उनले धेरै गरिबी र असफलतापूर्ण जीवन भोगे तर यसै क्रममा उनले नाटक लेख्ने कला सिके । १८५७ देखि १८६२ सम्म उनले निर्देशकको पदमा रहेर काम गरे । स्टेज मेनेजर तथा निर्देशनको लामो अनुभव पछि इब्सन रंगमञ्चको क्षेत्रमा धेरै खप्पिस भैसकेका थिए । उनलाई नाटक लेख्न धेरै मद्दत मिल्यो ।
इब्सन प्रख्यात हुन चाहन्थे । तर त्यो ख्याति सजिलै मिलेन । उनको विचार प्रधान नाटकमा विवाह, धर्म तथा मानवीय व्यवहारका बारेमा विद्रोही विचार थियो । त्यसले उनलाई नर्वेमा समाजविरोधी र अनैतिक मानियो । यसै कारणले उनी २८ वर्ष आफ्नो देश बाहिर इटाली र जर्मनीमा बसे । ६३ वर्षको उमेरमा जब इब्सन अन्तिम पटक नर्वे आए, त्यो बेलासम्म उनी विश्व प्रसिद्ध भैसकेका थिए ।
साभारः ‘सफलता’ पुस्तकबाट
