काठमाडौं । भिजिट भिसामा यूएई जाने तयारीका साथ विमानस्थल पुगेका तीन महिला फिर्ता भएका छन् । शुक्रबार त्रिभुवन अन्तर्राष्ट्रिय विमानस्थल सुरक्षा कार्यालयका प्रमुख एसएसपी कृष्णहरि शर्माका अनुसार, सोधपुछपछि शंकास्पद देखिँदा एजेन्टलाई समेत बोलाएर उनीहरुको सुरक्षा गर्दै उनीहरुलाई विमानस्थलबाट फिर्ता गरिएको हो ।
उनका अनुसार शंकास्पद रुपमा यूएई पठाउन लागेको खुलापछि उनीहरुलाई युएई जानबाट रोकिएको थियो । प्रहरीले अहिले रुपन्देहीको रुद्रपुरका भबिलाल थापालाई समेत नियन्त्रण लिएको छ । पक्राउ परेका थापालाई थप अनुसन्धानका लागि उपत्यका अपराध अनुसन्धान कार्यालय पठाइएको एसएसपी शर्माले बताए । बिहीबार राति साढे १० बजे हिमालय एयरलाइन्सबाट दूबई जाने तयारीमा तीन महिला विमानस्थल पुगेका थिए ।
प्रहरीका अनुसार, भिजिट भिसामा नेपालीलाई विदेश पठाउने गिरोह नै सक्रिय रहेकाले नेपाली नागरिकहरु विदेशमा प्ुगेर अलपत्र नहुन भन्ने उदेश्यका साथ चेक जाँचलाई निकै कडाईका साथ हेरिएको छ ।रसियन सेनामा जाने कतिपय नेपालीलाई पनि एजेन्टले भिजिट भिसामा दूबई लगेर त्यहाँबाट मस्को पठाएको प्रहरीले निष्कगर्ष निकालिएको छ ।
