सुन्तला स्वास्थ्यका लागि निकै फाइदाजनक हुन्छ । यसको सेवनले शरीरमा रोग प्रतिरोधात्मक क्षमता बलियो बनाउने हुँदा धेरै रोग लाग्नबाट बचाउँछ । सुन्तलाको सेवनले बालबालिकाका लागि पनि निकै फाइदाजनक हुन्छ ।
बच्चालाई सुन्तला खुवाउनुका फाइदा
– सुन्तलाको सेवनबाट भरपुर मात्रामा पाइने भिटामिन ‘सी’ले प्रतिरोधी क्षमता बढाउने हुँदा संक्रमणबाट जोगाउनुको साथै रुघा–खोकी, ज्वरो र अन्य रोगबाट जोगाउँछ ।
– सुन्तलामा भरपुर मात्रामा भिटामिन ए, भिटामिन सी र आइरन हुन्छ जसले बच्चामा हुने रक्तअल्पत्ताको समस्या हटाउन मद्दत गर्छ ।
– बच्चालाई सुन्तला खुवाउँदा उनीहरुको हड्डी बलियो हुन्छ । बच्चाको लागि सुन्तलाको सेवन हड्डीलाई बलियो बनाउन र यसको विकासका लागि आवश्यक हुन्छ ।
– बच्चालाई नियमित सुन्तला खुवाउँदा अपचको समस्या समाधान हुन्छ । सुन्तलाको सेवनले पाचन प्रणालीलाई स्वस्थ राख्न मद्दत गर्छ ।
– बालबालिकालाई सुन्तला खुवाउँदा यो उनीहरुलाई कब्जियतबाट छुटकारा मिल्छ । सुन्तलामा प्रशस्त मात्रामा पाइने फाइबरले पेट सफा गर्छ र कब्जियतको समस्यालाई हटाउँछ ।
