काठमाडौं।अभिनेता विजय देवरकोण्डा र अभिनेत्री रश्मिका मन्दाना दक्षिण भारतीय फिल्मका लोकप्रिय कलाकार हुन् । दुवैजना लामो समयदेखि डेटमा छन् ।
उनीहरूको भ्याकेसनको तस्बिर सामाजिक सञ्जालमा भाइरल हुन्छन् । यो जोडीले चाँडै नै इन्गेजमेन्ट गर्ने चर्चा पनि थियो । उनीहरूले यही फेब्रुअरीमा इन्गेजमेन्ट गर्ने कुरा पनि छ । तर दुवैले यो विषयमा कुनै प्रतिक्रिया दिएका छैनन् ।
समाचारअनुसार विजय र रश्मिका हाल लिभइन रिलेसनमा छन् । उनीहरु आफ्नो सम्बन्धमा खुशी छन् । दुवैजनाले फेब्रुअरीमा इन्गेजमेन्ट गर्ने भनिए पनि कार्यव्यस्तता र आफ्नो करियरमा ध्यान दिनुपर्ने भएकाले अहिले इन्गेजमेन्टलाई केही पर सारेका छन् ।
दुवैले ‘गीता गोविन्दम’ र ‘डियर कामरेड’मा काम गरेका छन् । उनीहरूको अनस्क्रिन केमेष्ट्रीलाई दर्शकले निकै मन पराएका छन् ।कामको कुरा गर्दा रश्मिका पछिल्लो पटक ब्लकबस्टर फिल्म ‘एनिमल’मा देखिएकी थिइन् । उनले फिल्ममा रणवीर कपूरको अपोजिटमा अभिनय गरेकी थिइन् ।
फिल्मले विश्वव्यापी रुपमा नौ सय करोडको कमाई गरिसकेको छ । उनी हाल अल्लू अर्जुनका साथ फिल्म ‘पुष्पा स् द रुल’ को सुटिङमा व्यस्त छिन् । यसका अलावा उनको हातमा ‘रेनबो’, ‘द गर्लफ्रेन्ड’ जस्ता फिल्म छन् ।
विजय ‘फेमिली स्टार’ र ‘भीडी १२ मा देखिँदैछन् ।
