मोटोपनले शरीरलाई रोगको घर बनाइदिन्छ । गलत खानपान र अस्वस्थ जीवनशैलीले शरीरमा बोसो जम्छ । यहाँ पेट घटाउनका लागि प्राकृतिक पेयपदार्थको कुरा गरिएको छ—
एक गिलास पानीमा ज्वानो राखेर रातभरि राख्ने र बिहान त्यस पानीलाई सानो आगोमा पानी आधा सुकुन्जेल पकाइरहने । पानी पाकेपछि जालीले छान्ने । यस्तो ज्वानोपानीमा एक चम्चा मह राखेर खाली पेट पिउने गर्नुपर्छ । हरेक दिन बिहान भात खानुभन्दा एक घन्टाअघि यसको सेवन गर्दा तौल घटाउन सहायता पुग्छ ।
ज्वानो पानी पिएको भरमा पेट घटिहाल्छ भनेर ढुक्क बस्नुभन्दा पनि दिनदिनै कम्तीमा ३० मिनेट व्यायाम र योग गर्ने । सकेसम्म बढी शारीरिक गतिविधि गर्ने । स्वस्थ खानेकुरा खाने, तारेको, भुटेको, चिल्लो र मसला हालेको अनि मैदाबाट बनेको खानेकुरा नखाने । पर्याप्त मात्रामा पानी पिउने । कम्तीमा आठ घण्टा सुत्ने, बेलुका चाँडै सुत्ने र बिहान चाँडै उठ्ने जस्ता दैनिक गतिविधिमा विशेष ध्यान दिनुपर्ने हुन्छ ।
