मान्छे जन्मिएपछि हरेक दिन बुढ्यौलीतर्फ बढिरहन्छ । अझ आधुनिक जीवनशैलीमा हामीहरुले जस्तो खालको खान–पान र जीवनशैली अपनाइरहेका छौं । त्यसले औसत आयुसम्मको जीवन पनि बाँच्न गाह्रो हुने स्थिति देखिइरहेको छ । अस्वस्थकर खानपान, धूम्रपान, रक्सीको सेवन, गतिहीन जीवनशैली, तनावजस्ता कयौँ तत्वहरू जिम्मेवार छन् । चिन्ताको कुरा त मान्छेहरू कम उमेरमै बुढो देखिन थालेका छन् । तर विज्ञानले विभिन्न तरिका अपनाई मुटुलाई स्वस्थ राख्ने हो भने कम उमेरमै बुढो देखिनबाट आफूलाई बचाउन सकिन्छ भनेको छ —
१. राम्रोसँग निदाउने व्यक्तिको बायोलोजिकल उमेर वास्तविक उमेरभन्दा कम हुनेछ ।
२. धूम्रपान नगर्ने व्यक्तिले उमेरको असरलाई निश्चित रूपमा घटाउन सक्छ ।
३. नियमित रूपमा शारीरिक गतिविधि गर्ने व्यक्तिहरु छिटै बुढा हुँदैनन् ।
४. हरियो पत्तेदार मौसमी तरकारी, ताजा फलफुल, सिंगै अन्नजस्ता प्रशोधन नगरिएका खानेकुराको मात्रै सेवन गर्नेहरु वास्तविक उमेरभन्दा कम देखिन सक्छन् ।
५. मोटोपनालाई कम गर्ने र तौल बढ्न नदिनेहरुले आफ्नो जवानीको दिनलाई अलि लम्ब्याउन सक्छन् ।
६. स्वस्थबद्र्धक खानपान र नियमित व्यायाम गरी कोलेस्ट्रोल, उच्च रक्तचाप तथा ब्लड सुगरलाई नियन्त्रित स्तरमा राख्नाले बुढ्यौलीलाई पर धकेल्न सकिन्छ ।
