काठमाडौं। औषधी व्यवस्थापन विभाग र नेपाल प्रहरीले अवैध औषधी बिक्री गर्ने एक फार्मेसीमा शिलबन्दी गरेको छ।
विभागको टोलीले मंगललबार नेपाल प्रहरी र स्थानीय जनप्रतिनिधिसँगको सहकार्यमा गरेको बजार अनुगमनका क्रममा अवैधरूपमा औषधि बिक्री वितरण गर्ने बूढानीलकण्ठ नगरपालिका–१० आदर्शनगर चोकस्थित लाइफकेयर फर्मामा शिलबन्दी गरेको हो।
जिल्ला प्रहरी परिसर काठमाडौँका प्रवक्ता प्रहरी उपरीक्षक कुमोद ढुङ्गेलले बूढानीलकण्ठ क्षेत्रका चारवटा औषधी पसल अनुगमन गर्दा अवैधरूपमा औषधी बिक्री गर्ने लाइफ केयरमा शिलबन्दी गरिएको जानकारी दिए। विभागको टोलीले उक्त फार्मेसीबाट विभिन्न ३६ प्रकारका औषधिसमेत बरामद गरेको छ।
टोलीले ओखलढुङ्गा फर्मा, जेन्स हेल्थ केयर सेन्टर र सुर्याम्स फार्मेसीलाई सचेत गराएको छ।
