खान योग्य गुण भएका हरेक चिजलाई उचित मात्रामा, उचित समयमा खानाले स्वास्थ्यका लागि लाभदायक हुन्छ तर स्वास्थ्यका हिसाबले हेर्दा कुन खानेकुरा कहिले खाने भन्ने कुरामा ध्यान दिनुपर्छ ।
कतिपय खानेकुरा यस्ता हुन्छन्, जो भोको पेटमा वा खाली पेटमा खानु हुँदैन । अरु वेला खाँदा फाइदाजनक भए पनि खाली पेटमा खाँदा त्यस्ता खानेकुराको नकारात्मक असर पर्छ । त्यसैले स्वस्थ जीवनशैली अपनाउन चाहनेले खाली पेटमा खान नहुने खानेकुरा के–के हुन् भनेर जान्नैपर्छ—
१. सोडामा उच्च मात्रामा कार्बोनेट एसिड हुन्छ । यदि यसलाई खाली पेटमा पिउने हो भने नराम्रो असर गर्छ ।
२. गोलभेडामा एसिड पाइन्छ, जसले खाली पेटमा रासायनिक क्रिया हुन्छ । यसले पेटमा अघुलनशिल जेल निर्माण गर्छ । यो जेल पेटमा स्टोन बन्ने कारण बन्न सक्छ । त्यसैले गोलभेडा खाली पेटमा सेवन गर्नु हुँदैन ।
३. कहिले पनि खाली पेटमा मसलेदार खानेकुरा सेवन गर्नु हुँदैन । त्यस्ता खानेकुराले पाचन यन्त्रमा गम्भीर असर पु¥याउन सक्छ ।
४. कफी पिउनु खासै नराम्रो मानिदैन । तर खाली पेटमा भने कफी सेवन गर्नु हानिकारक हुन्छ ।
५. दही स्वास्थ्यका लागि एकदमै लाभदायक हुन्छ । यसले पाचन क्रियामा पनि राम्रो असर गर्छ तर खाली पेटमा दही सेवन गर्दा भने त्यसले उल्टो असर गर्छ ।
६. खाली पेटमा केरा सेवन गर्नाले पनि नराम्रो असर गर्छ । यसले शरीरमा म्यागनेशियम बढ्छ, जसले गर्दा क्याल्सियम र म्याग्नेसियको सन्तुलन बिग्रिन्छ ।
७. खाना खाइसकेपछि मात्र खाने औषधि आफुखुसी खाली पेटमा सेवन गर्नु हुँदैन । यस्ता औषधि खाली पेटमा सेवन गर्दा प्रभावहीन मात्र हुने होइन, हानिकारक पनि हुन सक्छ ।
८. मदिराको सेवन जहिले पनि स्वास्थ्यका दृष्टिले नराम्रो नै मानिन्छ । तर खाली पेटमा खाली पेटमा मदिरा सेवन गर्दा त्यसको नकारात्मक प्रभाव शरीरमा अझ बढी पर्छ र अनेकौ रोगको जन्म दिन्छ ।
