बालबच्चाले सिकेका कुरा जीवनभरका लागि उपयोगी हुनेछ । अर्थात् सानो उमेरमा सिकेका कुराहरु जीवनभर याद गर्छन् र अनुशरण पनि । त्यसैले बालबालिकालाई शारीरिक स्वास्थ्यका लागि आवश्यक यस्ता थुप्रै कुराहरुमा सिकाउन जरुरी छ, जो उनीहरुको निम्ति जीवनभर उपयोगी होस् । जस्तो कि हात धुने, ब्रस गर्ने, नुहाउने, नङ काट्ने, शौच क्रिया गरेपछि सफाई गर्ने, लुगाफाटो मिलाउने, आफ्नो ओछ्यान सफा राख्ने । यद्यपि यस्तै कुराहरुले उनीहरुमा राम्रो बानीको बिकास हुन्छ र त्यो जीवनभर उपयोगी हुन्छ ।
– बिहान र साँझको खाना खाइसकेपछि कम्तीमा दुई पटक ब्रस गराउनु जरुरी हुन्छ ।
– ब्रस गरिसकेपछि जिब्रोको सफाई गर्न सिकाउनुपर्छ ।
– कुनै पनि खानेकुरा खानसाथ मुख कुल्ला गर्न सिकाउनुपर्छ ।
– चकलेट वा गुलियो खानेकुरा कम खाने वा खाइसकेपछि राम्ररी मुख कुल्ला गर्न सिकाउनुपर्छ ।
– बालबालिकालाई नियमित रुपमा शरीरको सरसफाई गर्न सिकाउनुपर्छ
– बालबालिकालाई नियमित रुपमा हातखुट्टाको सरसफाइ गर्न सिकाउनुपर्छ ।
– बच्चालाई शौचालयमा सही तरिका थाहा हुनुपर्छ ।
– बच्चालाई नङको सरसफाईमा ध्यान दिन लगाउनुपर्छ ।
– बच्चालाई घर, कोठा र वातावरणको सफाइको बारेमा जानकारी गराउनुपर्छ ।
