नवजात शिशुको शरीर धेरै संवेदनशील हुन्छ । स्याहारमा थोरै कमीकमजोरीले पनि संक्रमणको जोखिम बढाउँछ । त्यसैले यस्तो अवस्थामा कसरी शिशुको स्याहार गर्ने भन्ने कुरामा ख्याल राख्नैपर्छ । नवजात शिशुको आगमन पछि बच्चाको स्याहार सुसारको समयमा अझै बढी सावधान हुनुपर्छ । मातापिता हुनाको नाताले आफ्नो बच्चालाई स्वस्थ रहन एक सुरक्षित वातावरण दिनुपर्छ र उनीहरुको उचित हेरचाह गर्नुपर्छ ।
– शिशुलाई उचित विकास वा बढ्नको लागि न्यानो तापक्रमको आवश्यकता हुन्छ । शिशु आफैले आफ्नो आमाको शरीरको न्यानोपनासँग जोडिन सक्छ । त्यसैले आमाको स्पर्श बच्चाको लागि सबैभन्दा सुरक्षित स्पर्श हो ।
– नवजात शिशुको शरीर धेरै संवेदनशिल हुन्छ । तपाईंको चुम्बनले उनीहरुलाई संक्रमण हुने सम्भावना अधिक हुन्छ । यसैले उनीहरुलाई बिरामीबाट बचाउनको लागि अरुलाई पनि चुम्बन गर्न नदिनुहोस् । यसले फैलने खालका संक्रमणको खतरा हुन सक्छ र बच्चाहरुलाई दुःख हुन सक्छ ।
– हाम्रो हात कैयौं संक्रमित चीजको सम्पर्कमा आउँछ । यसैले बच्चालाई सम्हालिरहनु भएको छ वा उनीहरुलाई केही खुवाउँदै हुनुहुन्छ भने यसभन्दा पहिलो आफ्नो हातलाई राम्रोसँग धुनुहोस् ।
– आमाको दूध बच्चाको लागि पोषणको एकमात्र स्रोत हो । बच्चालाई पोषकतत्वको उचित व्यवस्थाको लागि कम्तीमा पनि ६ महिनासम्म बच्चालाई स्तनपान गराउनुपर्छ । यसले बच्चाको प्रतिरक्षा बढाउँछ र उनीहरुलाई रोगबाट बचाउँछ ।
– बच्चाको कपडालाई बाँकी कपडाको साथमा नधुनुहोस् । उनीहरुलाई सुरक्षित र विभिन्न संक्रमणबाट टाढा राख्नको लागि बच्चाको कपडालाई अलग धुनुपर्छ ।
