मुटु शरीरको यस्तो अङ्ग हो जसलाई स्वस्थ राख्न नसक्दा मानिसले कतिखेर अकालमा ज्यान गुमाउन पुग्छ थाहा नै हुँदैन । शरीरलाई स्वस्थ राख्न खानपिनको जत्तिकै आवश्यकता शारीरिक व्यायामको पनि हुन्छ । शरीरलाई स्वस्थ राख्न आवश्यक मात्रामा शारीरिक व्यायाम तथा गतिविधि जरुर गर्नुपर्छ ।
योगा, जीम, खेलकूद, नृत्य या घरको कामकाजबाट पनि शरीरलाई व्यायाम पुगिरहेको हुन्छ । यस्ता काम गर्दा आफ्नो स्वास्थ्यका साथै मुटुलाई स्वस्थ राख्न सकिन्छ ।
मुटु र शरीरलाई स्वस्थ राख्न गर्न सकिने व्यायामयुक्त केही कार्यहरुको यहाँ चर्चा गरिएको छ—
– घरमा होस् या कार्यालयमा भ-याङ त पक्कै पनि हुन्छ । यदि दिनमा १० मिनेट मात्रै लगातार भ¥याङ चढ्ने र ओर्लने गरियो भने पनि धेरै लाभ लिन सकिन्छ ।
– गहिरो गरी श्वास लिनु, एकाग्रता तथा लयबद्ध शारीरिक गतिविधिको माध्यमबाट तनाव कम गर्न र मुटुलाई स्वस्थ राख्नका लागि उपयोगी तरिका हो ।
– मुटुलाई स्वस्थ राख्न नृत्य (डान्स) सबैभन्दा राम्रो र रोचक शारीरिक व्यायाम हो । जो व्यक्ति कार्डियोभास्कुलर बिमारीबाट ग्रसित छन् उनीहरुका लागि यो सबैभन्दा उत्तम व्यायाम हो । मुटुको घड्कन प्रतिमिनेट १२० देखि १३५ बिटसम्म पुग्ने गरी व्यायाम गर्नुलाई राम्रो मानिन्छ ।
– स्ट्रेचिंग व्यायाम तालिकाको एक निश्चित हिस्सा हुनु आवश्यक हुन्छ । धेरै मानिसका लागि स्ट्रेचिंग गर्नु धेरै अप्ठेरो पनि हुन सक्छ । तर हप्तामा कम्तिमा दुई पटक गर्दा यसको आदत बस्दै जान्छ । स्ट्रेचिंग गर्दा धेरै सतर्क रहनु आवश्यक हुन्छ । किन कि शरीरको कुनै भागमा दुखेको छ भने स्ट्रेचिंग नगर्नु नै राम्रो हुन्छ ।
– विशेषज्ञहरुको नै सल्लाह छ कि एक स्वस्थ मुटुका लागि साप्ताहिक रुपमा कम्पितमा १ दिन ३० मिनेटसम्म एरोबिक गर्नु जरुरी हुन्छ । जगिङ गर्नु, दौडिनु, साइकल चलाउनु आदि व्यायाम एरोबिक्सअन्तर्गत पर्छन् ।
