हिलोले खाएको घरेलु उपचार विधी

वर्षायाममा छालामा हुने अनेक संक्रमणमध्ये खुट्टाको औंलाको कापमा संक्रमण हुने पनि एक हो । यसलाई चलनचल्तीको भाषामा, हिलोले खाएको पनि भनिन्छ । खुट्टाको औंलाको कापमा हुने संक्रमणले चिलाउने, सुन्निने हुन्छ । यो रोग फोहोर पानी, हिलोको कारण मात्र नभई, खुट्टा पानीमा भिजेर ओसिलो हुँदा पनि देखिन सक्छ । यसलाई वेवास्ता गर्दा हिँड्नै गाह्रो हुने वा जुत्ता लगाउनै नसकिने गरी समस्या ल्याउँछ । त्यसले यस्तो संक्रमणबाट बच्न सावधानी अपनाउनु पर्छ ।
खुट्टाको औंलाको कापमा हुने फंगल इन्फेक्सनबाट बच्न घरेलु विधीबाट पनि उपचार गर्न सकिन्छ –
– यसबाट बच्नका लागि खुट्टालाई खुला राख्नुपर्छ । गुम्साएर राख्नु हुँदैन ।
– मोजा सूतीको हुनुपर्छ, साथै सफा पनि ।
– खुट्टालाई ओसिलो र तातो स्थानमा नराख्ने ।
– तातो पानीमा नुन र बेसार घोलेर नियमित रुपमा खुट्टा डुबाउने र केही समयपछि सफा कपडाले खुट्टाको काप सफा गर्नुपर्छ ।
– लसुनको दुई केस्राको पेस्ट बनाई त्यसमा केही थोपा ओलिभ आयल मिसाएर औँलाको कापमा लगाउने । आधा घण्टापछि त्यसलाई एन्टि फंगल साबुनले धुने गर्दा केही दिनमा आराम मिल्छ । – संक्रमण भएको स्थानमा घिउकुमारीको जेल लगाएर मसाज गर्ने गर्नाले पनि फङ्गल इन्फेक्सनबाट राहत मिल्छ ।
– प्रयोग गरिसकेको टि ब्यागमा टेनिक एसिड हुन्छ, जसले फंगल इन्फेक्सन रोक्छ । त्यसका लागि चार कप उमालेको पानीमा चार वटा टि ब्याग राखी त्यसमा २०–३० मिनेट खुट्टा डुबाएर राख्नुपर्छ ।
– आवश्यक्ता परेमा एन्टि फंगल क्रिम पनि लगाउनुपर्छ