मोवाइलको अति प्रयोग स्वास्थ्यका लागि हानिकारक हुन्छ

मानिसको दैनिक जीवनमा सबैभन्दा आवश्यक बस्तु बनेको छ मोवाइल । नेपालको परिप्रक्ष्यमा भन्नुपर्दा करीब करीब ८० प्रतिशत मानिसहरुमा मोवाइलको पहुँच छ । यो संख्या दिनानुदिन बढिरहेको छ । तर मोबाइलको अति प्रयोग वा अव्यवस्थित प्रयोग मानव स्वास्थ्यका लागि भने हानिकारक हुनसक्छ । मोवाइलबाट निस्कने इलेक्ट्रोम्याग्नेटिक रेडिएसनले स्वास्थ्यमा नराम्रो प्रभाव पार्ने सक्ने देखिएको छ । यसको असरबाट कसरी जोगिने भन्ने बारेमा यहाँ केही चर्चा गरिएको छ—

१. मोबाइल फोन प्रयोग गर्दा कानको कम्तिमा पनि २ देखि ७ इन्च पर राख्ने र कुरा गर्दा सकेसम्म लाउड स्पिकर मोडमा राख्ने यसो गर्दा इलेक्ट्रोम्याग्नेटिक रेडियसनहरु मष्तिस्कमा जान पाउँदैन ।
२. राती सुत्दा मोबाइललाई स्वीच अफ गरी १.८ मीटरभन्दा पर राख्ने गर्नुपर्छ ।
३. मोबाइल खल्तीमा राख्दा कि प्याडलाई आफूतिर फर्काएर राख्ने गर्नुपर्छ त्यसो गर्दा एन्टिना अर्कातर्पm जान्छ ।
४. गर्भवती महिलाको पेटमा भएको बच्चालाई इलेक्ट्रोम्याग्नेटिक रेडियसनले नराम्रोसँग असर गर्ने हुँदा मोबाइल फोनको प्रयोग नगर्दा राम्रो ।
५. इयरफोन, हेडसेटको प्रयोग गर्दा यसबाट निस्कने रेडियसनको प्रभाव कान नजिक मोबाइल फोन ल्याँउदा हुने रेडियसनको प्रभाव भन्दा तीन गुणा बढी हुने गर्छ, जुन स्वास्थ्यका लागि हानिकारक छ ।
६. पन्ध्र वर्ष भन्दा कम उमेर समूहका बालबलिकाहरुको बिकसित मस्तिष्कमा रेडियसनको धेरै नै नराम्रो प्रभाव पर्छ । जसको कारण मस्तिष्क क्यान्सरको जोखिमलाई बढाउने हुँदा मोबाइल फोन प्रयोग गर्न नदिँदा राम्रो हुन्छ ।
७. भर्खर जन्मिएका बच्चाको तालु पातालो हुने हुँदा रेडियसन उनीहरुको मस्तिष्कबाट छिटो प्रशारण भई मस्तिस्क क्यान्सरको सम्भावना बढाउन सक्छ त्यसैले मोबाइल फोनलाई उनीहरुभन्दा टाढै राख्नुपर्छ ।
८. फोनलाई पाइन्टको खल्तीमा प्रजनन् क्षमता घटाउन सक्छ भने मोबाइललाई मुटु नजिक पनि नराख्नुस् यसले मुटुको धड्कनलाई प्रभाव पर्छ ।