पाल्पा— पाल्पाको जोर्तेमा सुख्खा पहिरोले स्कार्पियो जीप पुरेको छ । तम्घासबाट बुटवलका लागि छुटेको लु १ ज ४६०० नम्बरको स्कारर्पियो आज बिहान रिब्दीकोट गाउँपालिका २ जोर्तेमा ढुङ्गासहितको पहिरोले पुरिएर हो ।
दुर्घटनामा परि तीन जनाको घटना स्थलमै मृत्यु भएको छ । भने आठ जना घाइते भएका छन् । घाइतेहरूको युनाईटेड मिसन अस्पताल तानसेनमा उपचारका लागी पठाइएको प्रहरीले जनाएको छ । घटना स्थलमा स्थानीय र प्रहरीसहितको टोली उद्धार गरेका छन् ।
मृतक तथा घाइतेहरूको सनाखत हुन बाँकी रहेको छ । सुख्खा पहिरोले स्कार्पियो च्यापिएर सडकको छेउमा रहेको छ । दुर्घटनाबारे थप विवरण आउन बाँकी रहेको प्रहरीले जनाएको छ ।
