१. विचारहरुको विशेष रुप र रङ्ग पनि हुन्छ । तर चर्मचक्षुले देख्न सकिँदैन । विचारका परमाणु झैँ अति सूक्ष्म र बेगवान अन्य केही संसारमा नै छैन ।
२. जुन वस्तु जति सूक्ष्म हुन्छ, त्यसको बल पनि उति नै बढी हुन्छ । बिजुलीभन्दा पनि विचारको बल अति सूक्ष्म हुन्छ ।
३. एक अमेरिकी विद्वान्ले लेखेका छन् कि प्रकाशको गति १ सेकेन्डमा १,८६,००० माइल भएझैँ विचारको गति प्रवाह सेकेन्डमा ४०,००० नीलदेखि सत्तरी हजार नील माइलसम्म हुन्छ ।
४. रातीमा वा अन्धकारमा विचारशक्तिको बेग तीव्र हुन्छ र यस वेगलाई कोही पनि रोक्न सक्दैन ।
५. यदि हामीले आफ्ना विचारहरुलाई उचित मार्गमा चलाउन जान्यौँ र चलाउन सक्यौँ भने दुःखहरुबाट छुटकारा पाई हामी परमानन्दमा जीवन व्यतित गर्न सक्दछौँ ।
६. हाम्रो मनमा आउने प्रत्येक विचार वाण सरह हुन्छन् ।
साभारः ‘महापुरुषहरुका अमर वाणी’ पुस्तकबाट
