पोखरा, १५ कात्तिक । पोखराको प्रसिद्ध धार्मिक पर्यटकीय स्थलको रुपमा परिचित विन्ध्यवासिनी मन्दिर परिसरमा सरसफाइ गरिएको छ ।
दुर्लुङ समाज पोखराले धार्मिक विन्ध्यवासिनी मन्दिर परिसरमा मंगलबार सरसफाइ गरेको हो । पर्वत जिल्लाको साविक दुर्लुङ घरभई पोखरामा बसोबास गर्दै आएका व्यक्तिहरुद्धारा गठित दुर्लुङ समाज पोखराले आप्mनो प्रथम स्थापना दिवसको अवसर पारेर मन्दिर परिसरमा सरसफाइ गरेको हो ।
विन्ध्यवासिनी धार्मिक क्षेत्र विकास समितिका अध्यक्ष गणेशबहादुर श्रेष्ठले भक्तजनहरुको सहयोग र सद्भावबाट मन्दिरको विकासमा सहयोग पुगेको बताउनुभयो । मन्दिरमा संस्कृत पाठशाला संचालनमा रहेको र छिट्टै आयुर्वेदिक अस्पताल समेत संचालनमा ल्याइने भनाई श्रेष्ठको छ ।
दुर्लुङ समाज पोखराका अध्यक्ष बाबुराम शर्माले समाजको प्रथम स्थापना दिवसको अवसरमा माता विन्ध्यवासिनी मन्दिर परिसरमा सरसफाइ गर्न पाउनु खुशीको विषय भएको बताउनुभयो । समाजका सचिव ईश्वरी पौडेलले समाजले सामाजिक क्षेत्रमा आफ्ना गतिविधि संचालन गर्दै आएको बताउनुभयो ।
सरसफाइ कार्यक्रममा समाजका सल्लाहकारहरु उदीम बहादुर गुरुङ, समाजका उपाध्यक्ष कुलबहादुर गुरुङ, द्धितीय उपाध्यक्ष टेकबहादुर बिक, सहसचिव शिव पौडेल, रामबहादुर थापा, रवीन पोख्रेल, राधा पौडेल लगायतले सहभागिता जनाएका थिए ।
