आइन्सटाइन आफ्नो प्रयोगशालामा बसिरहेका थिए । उनकी श्रीमतीले आँखा तर्दै भनिन्— तपाईंले यो कस्तो नोकर राख्नुभएको हो ? एकदमै बदमास छ । उसलाई तुरुन्त हटाउनुपर्छ ।
विचारमा हराएका आइन्सटाइन भने ठिक छ ।
श्रीमती गइसकेपछि ढोकाको नजिकै उभिएको नोकर भित्र पस्दै भन्यो— प्रोफेसर साहेब, तपाईंकी पत्नीमा मानवियता नामको कुनै चिज छैन ।
नोकरको कुरा समाप्त नहुँदै आइन्सटाइन बोले— ठीक छ ।
बाहिर उभिएकी श्रीमतीले आइन्सटाइनको भनाइ सुन्नासाथ आगो ओकल्दै भनिन्— तपाईंले नोकरको सामुन्ने मेरो अपमान गर्नुभएको छ । के तपाईंको दिमाग त खराब भएको छैन ।
आइन्सटाइनले फेरि भने— त्यही नै ठीक छ ।
उनको कुरा सुनेर उनकी पत्नी र नोकर दुवै पेट मिचीमिची हाँस्न थाले ।
साभारः ‘महान् व्यक्तिका प्रेरक प्रसङ्गहरु’ किताबबाट
