जीवनशैली र खानाको रोजाइले शरीरको खाना पचाउने तरिकामा प्रभाव पार्छ । हामीले खाएको खानालाई पाचन प्रणालीले हाम्रो शरीरलाई आवश्यक पर्ने पोषण तत्वलाई छुट्याउँछ । हामीले आफ्नो पाचन स्वास्थ्यलाई बेवास्ता ग¥यौँ भने हाम्रो शरीरले उचित पोषण प्राप्त नगर्न सक्छ ।
– प्रसस्त फाइबर भएको अन्न, सागसब्जी, फलफूलले खानाले पाचनप्रणालीमा सुधार गर्न सक्छ । यसले स्वस्थ तौल कायम गर्नका लागि पनि सहयोग गर्छ । फाइबरले नरम दिसा उत्पादन गर्नका लागि पानी धेरै खिच्ने हुँदा पर्याप्त पानी पिउनु पाचन प्रक्रियाका लागि धेरै नै राम्रो कुरा हो ।
– घुलनशील र अघुलनशील दुवै खालका फाइबरले शरीरमा छुट्टाछट्टै तरिकाले काम गर्ने हुँदा दुवै किसिमका फाइबरको सेवन गर्नु आवश्यक हुन्छ । अघुलनशील फाइबर गहुँ, सागसब्जी तथा अन्नहरूबाट प्राप्त गर्न सकिन्छ भने घुलनशील फाइबर ओट्स ब्रान, बदाम, गेडागुडी र फलफूलबाट प्राप्त हुन्छ ।
– मासुमा हुने चिल्लोले पाचन प्रक्रियालाई असजिलो बनाउन सक्छ । शरीरका लागि चाहिने प्रोटिन पाउनको लागि मासु खाँदा छाला नभएको कुखुराको मासु वा बोसो नभएको मासु खान सकिन्छ भने सामान्यतया खानामा केही चिल्लो पनि चाहिन्छ, त्यसैले फाइबरको साथमा चिल्लोयुक्त खाना मिसाएर खाँदा त्यसले हाम्रो पाचनप्रणालीलाई सजिलो बनाउँछ ।
– खाना नास्ताहरू नियमित तालिका बनाएर सधैं एकै समयमा ब्रेकफास्ट, लञ्च, डिनर र स्न्याक्स लिने बानी बसाल्ने हो भने पाचनप्रणालीमा समस्या आउँदैन ।
– मदिरा, कफी पिउने र धूमपान गर्ने बानीले पाचन प्रणालीलाई जटिल बनाउनसक्छ । यसले पेटको अल्सर पनि हुन सक्ने हुँदा यस्ता बानीहरू त्याग्नुपर्दछ ।
– नियमित व्यायाम गर्नाले पाचनप्रणाली मार्फत खानलाई चलायमान बनाउँछ जसले गर्दा कब्जियतको समस्या हुन दिँदैन । त्यस्तै तनाव वा चिन्ताले पनि पाचन प्रणालीमा समस्या हुन सक्छ तसर्थ नियमित व्यायाम गर्नुका साथै मनमा आनन्द दिने खालका गतिविधिहरु गर्नु आवश्यक छ ।
