कार्ल लीनियस जन्तु तथा विरुवाको वर्गीकरण एवं नवीन नामाकरणको पद्धतिको जनक मानिन्छन् । उनको जीवनमा ठूलो उतारचढाव आयो । आफ्नो युवाकालमा उनले एक प्रसिद्ध डाक्टर मेरियसकी छोरीसँग विवाहको प्रस्ताव गरे । मेरियसले त्यो प्रस्ताव अस्वीकार गरिन् किनकि कर्ल लिनियस न त कुनै नोकरी या व्यवसाय गर्थे न उनलाई कुनै उपाधि प्राप्त थियो । कार्ल लिनियसले यो चुनौती सहर्ष स्वीकार गरे ।
कार्ल लिनियसले आफ्नो लुकेको वैज्ञानिक प्रतिभालाई जागृत एवं विकसित गर्नको लागि प्रयास आरम्भ गरे । उनलाई प्रकृति र रुखविरुवाको अध्ययनमा विशेष रुचि थियो । उनले एउटा विश्वविद्यालयमा पढाई शुरु गरे । उनीसँग धनको कमी थियो । यहाँसम्म कि मैनबत्ती किन्नको लागि समेत पैसा थिएन । उनी विद्यार्थी जीवनमा सडक बत्तीको उज्यालोमा पढ्थे ।
रुख विरुवाको वर्गीकरणमा रुचि हुनाको कारणले उनी एक वनस्पति वैज्ञानिकसँग परिचित भए जो उनको संग्रहबाट धेरै प्रभावित भए । उनले काम अगाडि बढाउने अवसर पाए । त्यसैले कार्ल लीनियसले द्विनाम पद्धति प्रस्तुत गरे तथा चिकित्सा विज्ञानमा पनि उपाधि प्राप्त गरे । विश्वमा ख्याति सराहना एवं सम्मानले उनले राम्रो तलब आउने पद पनि पाए । फेरि मेरियसले उनलाई स्वीडेन आमन्त्रित गरेर आफ्नी छोरी सेरालिजाको विवाह उनीसँग गरिदिए ।
कार्ल लीनियसद्वारा गरिएको बोटविरुवाको वर्गीकरण र नामाकरणको पद्धतिलाई जीव विज्ञानमा आधार मानेर अहिले पनि अनुशरण गरिन्छ ।
साभार : ‘विश्वका उत्कृष्ट प्रेरक प्रसङ्गहरु’ पुस्तकबाट
