शरीरका पाँचवटा इन्द्रिय हामी जन्मँदा सँगै आएका हुन्छन् । देख्ने, सुँघ्ने, सुन्ने, स्वाद लिने र छुवाइ बुझ्ने यिनीहरुका काम हुन् । चेतनशील मान्छेसँग माथिका पाँचबाहेक अर्काे एउटा छैटौँ इन्द्रिय पनि हुन्छ जसलाई हामी व्यावहारिक सुझबुझ भनेर चिन्ने गर्छाैं । वस्तुलाई वास्तविक रुपमा पर्गेलेर तीसँगको कारोबारमा उचित समाधान निकाल्न सक्नु सुझबुझ हो । व्यावहारिक सुझबुझविनाको शिक्षा र ज्ञान सबै अर्थहीन भइरहन्छन् ।
शिक्षाविना पनि त व्यावहारिक सुझबुझ हासिल भइराखेकै छ । सुझबुझविनाको सर्वश्रेष्ठ शिक्षा फेरि पनि अर्थहीन र व्यर्थ नै बन्छ । त्यसैले आवश्यक र उचित सुझबुझ हुनु नै वास्तविक बुद्धिमत्ता हो ।
साभारः ‘तपाईंको जीत’ पुस्तकबाट
