हेल्थ टिप्सः हत्केला चिलाउनुको रहस्य

हत्केला चिलाउने समस्यालाई पैसा प्राप्त गर्ने वा गुम्ने परम्परागत मान्यतायसँग पनि जोडिएको पाइन्छ तर हत्केला चिलाउनु पैसासँग कुनै साइनो छैन । हत्केला चिलाउनु रोग नभए पनि विभिन्न तत्वहको परिणाम हो वा रोगको संकेत हो । हत्केला हाम्रो शरीरको एक संवेदनशील अङ्गमध्येमा पर्छ, यो सबै भन्दा बढी प्रयोग वा उपयोगमा आउने अङ्ग पनि हो । त्यसैले हत्केला चिलायो भने यसले हाम्रो दैनिक गतिविधिलाई नै प्रभावित पार्नसक्छ ।
छालाको कोषहरु तीब्र बृद्धि भएमा हत्केला चिलाउँछ । कहिलेकाहीँ आफै छाला कन्याउँदा पनि यस्तो समस्या उत्पन्न हुन्छ । झिँगा वा अन्य किराको सङ्क्रममणले पनि यस्तो समस्या ल्याउँछ । विशेष गरी बालबालिका र बृद्धबृद्धाहरु यस्तो सङ्क्रमणबाट प्रभावित हुन्छन् । मधुमेह र छालाको समस्या पनि एक अर्कासँग सम्बन्धित हुन्छन् । तसर्थ अत्यधिक हत्केला चिलाउनु मधुमेहको संकेत पनि हुनसक्छ ।
कसैकसैलाई कुनै खानाले एलर्जी गरिहाल्छ र त्यसको असर हत्केलामा देखिन्छ, जसले गर्दा हत्केला चिलाउँछ ।
नाडीेको हड्डीको नसाहरुमा भएको चोटपछि हात र औँलामा हुने पीडाले पनि हत्केला चिलाउँछ । अध्यधिक लेख्दा, टाइप गर्दा तथा हात र औंलाहरुको बढी प्रयोग हुने काम गर्दा यस्तो अवस्था आउँछ । असन्तुलित तरिकाले हत्केला चिलाउनु कार्पल टनेल सिन्ड्रोमको संकेत हो ।
छालाको समस्याले पनि हत्केला चिलाउँछ । छालासम्बन्धी रोग लाग्दा औँलाहमा प्रभाव पार्छ । गर्मी र जाँडो मौसममा यसले प्रभाव पार्छ । जाडो याममा हुने सुख्खा छाला वा बेस्सरी हात घोटेर धुँदा पनि हत्केला चिलाउने भएकोले ढुङ्गा वा जालीले हत्केला रगेड्नु भने हुँदैन ।
रगत प्रवाह गर्ने प्रणालीमा र विशेष गरी लिभर (कलेजो)मा एसिड उत्पन्न (बाइल एसिड) हुँदा हात हत्केला चिलाउँछ । चिलाउने समय र अवस्था फरक फरक हुन्छ । जस्तो ः कहिले अकस्मात हुन्छ भने कहिले दिन वा रातमा मात्र चिलाउँछ ।
हत्केला चिलाउने समस्याबाट निको पाउन सबैभन्दा पहिला त हात चिलाउनुको कारण बुझ्नुपर्छ । हत्केला चिलाउनुका विभिन्न कारण हुन्छन् ।
हातको राम्रो सरसफाई र विभिन्न प्रकारका लोसन र क्रिमले हत्केला चिल्लो पार्दा धेरै हदसम्म चिलाउने समस्याको समाधान हुन्छ । छालालाई कहिल्यै पनि सुख्खा नराख्ने र समस्या गम्भीर भयो भने तत्काल चिकित्सकको सल्लाहमा औषधी प्रयोग गर्नुपर्छ ।