पानी बिना मानव जीवनको कल्पना पनि गर्न सकिँदैन । पानीलाई पृथ्वीको अमृत पनि भन्ने गरिन्छ । पानी मानव शरीरका लागि अनिवार्य तथा आवश्यक तत्वमध्ये एक हो । मानिसको शरीर ७० प्रतिशत हिस्सा पानीबाट बनेको हुन्छ । यसका लागि मानिसले प्रत्येक दिन ७–८ गिलास पानी पिउनुपर्छ । यसले पाचन तन्त्र, कपाल एवं छाला स्वस्थ हुन्छ । पानीले शरीरको बेकार पदार्थ बाहिर निकाल्छ र रगतलाई सफा राख्नको लागि समेत मद्दत गर्छ ।
पानी शुद्ध तथा ताजा हुन आवश्यक छ । बासी तथा फोहोर पानीले यस्तो अनेक किसिमाका रोगहरु बढाउँछ । पानी कस्तो स्थितिमा, कहिले, कसरी र कति पिउन आवश्यक छ त्यसबारे जानकारी लिन जरुरी छ । जस्तो— कपाल झर्ने समस्या, पत्थरी, तनाव, हैजा, पानी कम हुने रोग, अधिक गर्मी आदिमा पानी पर्याप्त मात्रामा पिउन आवश्यक छ ।
– २–३ गिलास पानी बिहान खाली पेट पिउँदा शरीरको आन्तरिक ऊर्जा सक्रिय हुन्छ । बिहान खाली पेटमा पानीको मात्र आफ्नो शरीरको क्षमता अनुसार बढाउन वा घटाउन सकिन्छ ।
– नुहाएपश्चात एक गिलास पानी पिउँदा ब्लडप्रेसर नियन्त्रित रहन्छ ।
– भोजन गर्नुभन्दा आधा घण्टा अगाडि दुई गिलास पानी पिउँदा फाइदा हुन्छ ।
– सुत्नुभन्दा ठीक अगाडि आधा गिलास पानी पिउँदा हर्ट अट्याकबाट बच्न सकिन्छ ।
– हतारमा उभिएर पानीे शरीरलाई हानी पु¥याउँछ त्यसैले बसेर बिस्तारै पानी पिउनुपर्छ ।
– उभिएर पानी पिउँदा यो सजिलै शरीरमा प्रवाह हुन्छ । ठूलो मात्रामा खाद्य नलिद्वारा तल्लो पेटको भित्तामा खस्छ । यसले पेटको भित्तोको छेउछाउमा क्षति पुग्छ । एक–दुई पटक यसरी पानी पिउँदा यस्तो लाग्दैन तर लामो समयसम्म यसरी पानी पिउँदा पाचन तन्त्र, मुटु र किड्नीको समस्या देखिन जान्छ । त्यस्तै उभिएर पानी पिउँदा घुँडामा समेत दबाब पर्छ ।
