मान्छेको नाक कति लामो हुन्छ होला ? ३ सेमी या ४/५ सेमी ? यहाँ एउटा अचम्मको नाकको कुरा छ । १८ औँ शताब्दीमा बेलायतमा जन्मिएका थोमस वर्डको नाक १९ सेमी अर्थात् साढे सात इन्च थियो । विश्वकै अचम्म लाग्दो यो नाक रिप्लेइको एक संग्रहालयमा राखिएको छ । मृत व्यक्तिको नाक भए पनि यो विश्वकै लामो नाकको रुपमा रहेको छ ।
त्यस्तै, टर्कीका एक जना मान्छेको नाक विश्वमा सबैभन्दा लामो जीवित नाक मानिएको छ । मेहमेत ओजिरेक नामका यी जीवित पुरुषको गिनिज बुकमा दर्ता भएको नाकको लम्बाई ८.८ से.मी. अर्थात् ३.४६ इन्च लामो छ । सन् २०१० को मार्च १८ मा पहिलोपटक इटालीमा आयोजित एक कार्यक्रममा उनको नाक नापेपछि त्यसले अन्तर्राष्ट्रिय मान्यता पाउँदै गिनिज बुकमा दर्ता भएको हो ।
साभारः ‘अनौठा कुरा’ पुस्तकबाट
