काबुल— स्कूल र विश्वविद्यालयहरू बन्द भएपछि युद्धग्रस्त अफगानिस्तानका धेरै विद्यार्थीहरू सिलाई बुनाईको तालिम लिन थालेका छन् । उनीहरुले तालिबानी सरकारलाई विद्यालय खोल्न आग्रह पनि गरेको टोलो न्यूजले उल्लेख गरेको छ ।
यीमध्ये केही छात्राहरूले कलेज र विश्वविद्यालयहरू पुनः खोल्न माग गरेका छन् । तालिबानले आधारभूत शिक्षा प्राप्त गर्ने अधिकार खोसेको समयमा आत्मनिर्भर बन्न यी छात्राहरू सिलाई बुनाई सिक्न थालेका छन् ।
‘हामी इस्लामिक इमिरेट्सले बालिका लागि स्कूल र विश्वविद्यालयहरू खोल्न चाहन्छौं ताकि ‘उनीहरूले केटाहरू जस्तै पढ्न सकून्, र हामीले हाम्रो पढाइ जारी राख्नुपर्छ’ एक छात्रा मरियमले भनिन्, उनले अफगानिस्तानमा तालिबानले महिलाहरूमाथि लगाएको प्रतिबन्धको विरोध गर्दै भनिन्।
