काठमाडौं । पोखरा महानगरपालिकाले पृथ्वी राजमार्ग अन्तर्गत पोखरा पृथ्वीचोकदेखि विजयपुर खोलासम्म राजमार्गको दायाँबायाँ (२३) मिटर मापदण्डभित्र परेका संरचना हटाउन सुरु गरेको छ ।
पोखरा महानगरपालिकाले डोजर लगाएर सोमबारदेखि ती संरचना हटाउन सुरु गरेको हो ।
पोखरा महानगरपालिकाले एक महिना अगाडि नै मापदण्डभित्र परेका संरचना हटाउन जानकारी दिइएको भए पनि सो कुराको वेवास्ता गरेपछि महानगरले अवैध संरचण हटाउन सुरु गरेको महानगरका मेयर धनराज आचार्यले जानकारी दिए । उनकाअनुसार स्थायी अस्थायी गरेर ६० भन्दा संरचनामा डोजर चलाउन लागिएको छ ।
एसियाली विकास बैंक ९एडीबी०को सहयोगमा यो राजमार्गलाई विस्तार गरेर ४ लेन बनाउने योजना रहेकाले महानगरपालिका यस्तो गर्न बाध्य भएको उनको भनाइ छ ।
विजयपुरदेखि लेखनाथ क्षेत्रमा मुआब्जाको विषय टुंगिन बाँकी रहेकाले त्यहाँका संरचना हटाउन केही समय लाग्ने महानगरले जनाएको छ ।
