काठमाडौं। ट्राफिक जाँचका क्रममा फ्रान्सको राजधानी पेरिस नजिकै प्रहरीले एक १७ वर्षीय सवारी चालकलाई गोली हानी हत्या गरेपछि हजारौं अतिरिक्त सुरक्षा फौज विरुद्ध व्यापक प्रदर्शन गरिएको छ ।
मंगलबार भएको घटनापछि दोस्रो दिन पनि तनाव कायमै छ । नायल एम नाम गरेका किशोरलाई प्रहरीले गोली हानेपछि हिंसा भड्किएको हो । कार रोक्न नमानेको आरोपमा प्रहरीले चालकलाई गोली प्रहार गरेको बताइएको छ ।
दुई प्रहरी अधिकारीले गाडी रोक्न प्रयास गरिरहेको र नमानेपछि एक अधिकारीले झ्यालबाट गोली हानेको दृश्य सार्वजनिक भएको छ । किशोर माथि गोली हानेको विरोधमा स्थानीयले प्रहरी कार्यालय अगाडि नै व्यापक प्रदर्शन गरेका छन् ।
प्रहरी र प्रदर्शनकारी बीच कतिपय स्थानमा झडप नै भएको छ । प्रदर्शनकारीले सडकमा यातायात नै अवरुद्ध गरेर प्रदर्शन गरिरहेका छन् । कतिपय बस स्टेसनहरु नै ध्वस्त पारिएका छन् । प्रहरीले स्थिति नियन्त्रणमा लिन अश्रु ग्यासको प्रयोग गरेको छ ।
फ्रान्सेली राष्ट्रपति इमानुएल म्याक्रोनले नाहेलमाथि भएको गोली प्रहारलाई अक्षम्य भएको बताएका छन् । तर राष्ट्रपतिको टिप्पणीले प्रहरी युनियनहरू भएका छन् ।
