इच्छारहित जीवन, अनासक्त धर्म परिपालन तथा व्यक्ति वस्तु र प्रकृतिका साथ आफ्नो सम्बन्धको आवश्यकतालाई राम्ररी चिन्नु सद्गुणको आधार हो । सद्गुणको जीवन्त प्रवाह सन्त हो ।
सम्पत्ति, सम्मान र सुख सुविधाको कमारो भएका मनुष्यले साँचो प्रसन्नता र शान्ति अनुभव गर्न गाह्रै पर्छ । म मान्दछु असम्भव नै हुन सक्छ । मनमा प्रसन्नता र शान्ति छ भने यी भौतिक वस्तुहरू कुकुरले चपाउने हाड बराबरै हुन जान्छन् । खण्डनमण्डन, इच्छा र भावना हाम्रा भित्रबाट आउँछन् ।
शरीरको हालत, सम्पत्ति जाति र कुल, आर्काले के भन्छ । पद प्रतिष्ठाको सामाजिक स्थिति यी बाहिरका कुरा हुन् । भित्री कुरामा हाम्रो दृढताले काम गर्छ परन्तु बाहिरका कुरालाई हामीले जस्ता छन् त्यस्तै छोडिदिनुपर्छ ।
निन्दा कहिल्यै, कसेको गर्दै नगर, अनावश्यक एवं झुटो प्रशंसा पनि नगर तथा कसैको कसैसित तुलना नगर, जमिन, धन, स्त्री, चोरी, ढाँट्ने र सामान्य कलहसित सम्बन्धित तुच्छ कुरामा विवाद नगर ।
साभारः ‘विचारप्रवाह’ पुस्तकबाट
