काठमाडौं । भारतबाट लागूऔषध ल्याएर काठमाडौंमा आपूर्ति गर्ने गरेका विकास भगत धरानमा तरकारी पसल सञ्चालकको भेषमा बस्ने गर्थे । उनी आइतबार मात्रै धरानबाट काठमाडौ आएका थिए ।
लागूऔषध नियन्त्रण ब्यूरो ९एनसीबी, काठमाडौंको टोलीले एक महिना अघिदेखि भारतबाट लागूऔषध ओसारपसार गर्दै नेपाल ल्याएर गैरकानुनी रुपमा बिक्रिवितरण गर्दै आइरहेको टोलीलाई निगरानी गरिरहेको थियो ।
प्रहरी लागूऔषध भारतबाट नेपालमा ल्याएर विक्रिवितरण गर्ने दुई जनालाई नियन्त्रणमा लिएपछि संलग्न अन्य गिरोहलाई नियन्त्रणमा लिने दाउमा तयारी अवस्थामा रहेको बेला आइतबार बिहान ८ बजे विराटनगरबाट काठमाडौं आउन हवाई टिकट काटेको सूचना पाएपछि अपराधिलाई नियन्त्रणमा लिन प्रहरी टोली त्रिभुवन विमानस्थलमा पुगेको थियो ।
विकास भगतले भारतको जोगबनी नाकाबाट गिरोहका लागि डिलरका रुपमा लागूऔषध ल्याउने गरेको अनुसन्धानबाट खुल्यो । त्यपछि प्रहरीको टोली विकास भगतलाई नियन्त्रणमा लिन त्रिभुवन विमानस्थलमा पुग्यो । भगत ‘त्रिभुवन अन्तर्राष्ट्रिय विमानस्थलको टर्मिनलबाट निस्किँदासम्म उनले लागूऔषध साथमा बोकेका थिएनन् । त्यसपछि अनुसन्धानमा खटिएको प्रहरीको टोलीले उनलाई पछ्याईरह्यो । भगत विमानस्थल पछाडि पीपलबोटको बायाँतर्फबाट गौशाला जाने बाटोतिर लागेर एक होटमालमा प्रवेश गर्छन् ।
जव भगत होटलमा प्रवेश गर्छन , प्रहरीले पनि पछिपछि अदृश्यरुपमा पछ्याईरहे । होटलप्रवेश गरेपश्चात उनले कसैलाई आगूऔषध राख्न दिएको जस्तो थाहा पाएपछि प्रहरी भएको नोटिस गर्दै उनलाई पक्राउ गर्न खोज्दा विवादमा उत्रिएर प्रहरीसंग भएको हतियार खोजेर प्रहरीलाई नै आक्रमण गर्न खोजेपछि प्रहरी आँफू अनुसन्धान तथा सुरक्षाकर्मी भएको हैसियतले उनको घुँडा मुनि गोली चलाएको थियो ।
लागूऔषध नियन्त्रण ब्यूरो ९एनसीबी० का प्रमुख एसएसपी गोविन्द थपलियाका अनुसार, घाइते उनलाई उपचारका लागि उद्धार गरेर काठमाडौं मेडिकल कलेज, सिनामंग पठाएको थियो । लागूऔषध व्यापारीसंग भएको १०० ग्राम लागूऔषध ब्राउन सुगर बरामद अनुसन्धानमा खटिएको प्रहरीले गरेको स्रोतले जनाएको छ । प्रहरी स्रोतका अनुसार उनले स्वयम आँफूले लागूऔषध सेवन नगर्ने र व्यापारमात्रै गर्ने गरेका रहेछन् ।
