एक दिन दुई जना विद्यार्थीहरु राम र श्याम विद्यालय पुग्न ढिलो भएछन् । उनीहरु विद्यालय पुग्दा शिक्षक उनीहरुको कक्षामा पसिसकेका थिए । अनि शिक्षकले उनीहरुलाई ढोकामा उभ्याएर ढिला आउनुको कारण सोधे— राम, ल भन त तिमी किन ढिला आयौ ?
रामले भन्यो— मेरो पैसा हराएकोले खोज्दा खोज्दै ढिला भयो सर ।
शिक्षकले श्यामलाई सोधे— तिमी किन ढिला नि ?
श्यामले जवाफ दियो— रामको हराएको पैसा मैले कुल्चिएर बसिरहेँ, त्यसैले ढिलो भयो सर ।
प्रेमपूर्ण अनुरोध
पत्नीले पतिलाई प्रेमपूर्ण अनुरोध गरिन्—
पत्नीः सुन्नुहोस् त तपाईं मेरो नाम काढेर मलाई नबोलाउनुस् न । बच्चा पनि मेरो नाम काढेर बोलाउन थाले ।
पतिः (झोक्किँदै) यसको मतलब त यही हो कि म पनि तँलाई ममी भनेर बोलाऊँ ।
साभारः ‘हँसाउने जोक्स’ पुस्तकबाट
