पोखरा । सर्वसाधारण जनताले सहकारीमा राखेको रकम हिनामिना पारेको आरोप लागेका बागलुङस्थित इमेज वचत तथा ऋण सहकारीका संस्थापक अध्यक्ष देवकुमार नेपालीलाई नेकपा एमाले गण्डकीले निलम्बन गरेको छ ।
नेकपा एमाले गण्डकी कमिटीका सदस्य एवं ढोरपाटन नगरपालिकाका मेयर नेपालीलाई पार्टीबाट निलम्बन गरिएको हो । एमालेका प्रदेश कमिटी सचिव धनञ्जय दवाडीले बुधबार एक विज्ञप्ति जारी गरी नेपालीलाई यो घटनाको निरुपण नहुँदासम्म निलम्बन गरिएको उल्लेख छ ।
‘यस घटनामा आरोपित सहकारीका संस्थापक अध्यक्ष देवकुमार नेपाली र अन्य सबै सञ्चालकहरुलाई वचतकर्ताको सम्पूर्ण रकम शीघ्र फिर्ता गर्न तथा सरकारी निकायबाट अगाडि बढाइएका छानबिनको प्रक्रियामा सहयोग पु¥याउन हाम्रो पार्टी संवद्ध सबैलाई आग्रह गर्दछ’ एमालेले विज्ञप्तिमा उद्यल्लेख गरेको छ । उनीसहित इमेज सहकारीका पदाधिकारी वचतकर्ताको रकम फिर्ता नगरेर हाल फरार रहेका छन् ।
गृह मन्त्रालयले संस्थापक अध्यक्ष नेपाली, कार्यवाहक अध्यक्ष डोरबहादुर परियार, सचिव सुनील नेपाली, कोषाध्यक्ष लक्ष्मी सेन, सञ्चालक चित्रबहादुर भण्डारी, सदस्य रुपा विक र अर्का सदस्य झगबहादुर शाहीको यात्रा अनुमति रद्दसमेत गरेको छ । उनीहरुले सहकारीको एक अर्ब रुपैयाँ हिनामिना पारेको आरोप वचत कर्ताको छ ।
