काठमाडौँ— लोकसेवा आयोगले ठूलो मात्रामा सहसचिव र उपसचिव पदमा कर्मचारी दरखास्त आह्वान गरेको छ । आयोगले बुधबार सहसचिव पदमा ११२ र उपसचिव पदमा ३२१ गरी जम्मा ४३३ जनाका लागि विज्ञापन खुला गरेको हो ।
आयोगले उपसचिव पदमा क्रमशस् ३, ६ र ११ पदका लागि कर्मचारी माग गरेको छ । त्यस्तै, आयोगले इन्जिनियरिङ सेवातर्फ सहसचिव पदमा २१ र उपसचिव पदमा ४९ जना कर्मचारीका लागि विज्ञापन खुला गरेको छ । आयोगले खुला गरेको उक्त पदका लागि दरखास्त फारम बुझाउने समय कात्तिक २९ गतेसम्म रहेको छ ।
यसैगरी, आयोगले कृषि सेवातर्फका लागि २ सहसचिव र १३ उपसचिव, परराष्ट्र सेवातर्फ ७ सहसचिव र ११ उपसचिव, प्रशासन सेवातर्फ २२ सहसचिव र १११ उपसचिवको लागि माग गरेको छ ।
आयोगका अनुसार लेखा परीक्षण सेवातर्फ सहसचिवमा ५ र उपसचिवमा २२, वन सेवातर्फ सहसचिवमा ६ र उपसचिवमा पनि ६, शिक्षा सेवातर्फ सहसचिवमा २ र उपसचिवमा २२, स्वास्थ्य सेवातर्फ सहसचिवमा ४३ र उपसचिवमा ५९, राष्ट्रिय मानव अधिकार सेवातर्फ सहसचिवमा ४ र उपसचिवमा ८ जनाका लागि दरखास्त आह्वान गरिएको छ ।
