वैज्ञानिकहरुले बोल्ने चुरोटको आविष्कार गरेका छन् । चुरोटको बट्टा किन्ने बित्तिकै यो चुरोट क्रेतालाई चेतावनी दिँदै बोल्न थाल्छ । धुमपानको लतबाट मान्छेलाई छुटकारा दिलाउने अभिप्रायका साथ वैज्ञानिकहरुले यस्तो बोल्ने चुरोट बनाएका हुन् । यो चुरोटको प्याकेटले नै चुरोट किन्नेहलाई बोलेरै भन्ने गर्छ ‘चुरोट पिउन छाड्नुहोस्, धुमपान स्वास्थ्यका लागि हानिकारक छ ।’
चुरोटका बट्टामा धूमपान स्वास्थ्यका लागि हानिकारक छ’ भन्ने लेखिएको त धेरै भयो । क्यान्सरको चित्र नै आउँदा पनि धुमपानमा कुनै कमी नआएको यो समयमा बोल्ने चुरोटले मात्र के फरक पार्ला र ? धूमपानका अम्मलीहरुको ध्यान जाओस् भनेरै बोलेर दिने चेतावनी समेटिएको चुरोटको बट्टाको आविष्कार भएको हो । बेलायतको स्टर्लिङ विश्वविद्यालयका वैज्ञानिकहरुले बनाएको यो अनौठो चुरोटको बट्टामै एक सन्देश रेकर्ड गरेर राखिएको हुन्छ ।
जब कोही उपभोक्ताले चुरोटको प्याकेट खोल्न थाल्छ तब चुरोट बोल्न थाल्छ र धुमपान छाड्नका लागि अपिल गर्छ । वास्तवमा चुरोट आफै बोल्ने नभई यो पहिल्यै रेकर्ड गरिएको आवाज हो । फरर बोल्दै धूमपानका असरहरु, धूमपानका कारण लाग्ने रोगहरुका बारेमा समेत जानकारी दिन्छ यसले ।
साभारः ‘रोचक तथ्य’ पुस्तकबाट
