बारा जिल्लामा बिहीबार यात्रुबाहक बस दुर्घटना हुँदा मृत्यु भएका १८ जनाकै सनाखत भएको छ । पूर्व–पश्चिम राजमार्गअन्तर्गत बारा जिल्लाको जितपुर सिमरा–२२ मा दुर्घटना भएको हो ।
वीरगन्जबाट चितवनको नारायणगढतर्फ जाँदै गरेको वाग्मती प्रदेश ०६-००१ ख ०११० नंको यात्रुबाहक बस सडकमा ठोक्किएर दुर्घटना हुँदा ३६ यात्रु घाइते भएको प्रहरीले जनाएको हो । बस बिहान साढे १० बजेको समयमा जीतपुर सिमरा उपमहानगरपालिका– २२ अमलेखगञ्ज स्थित ३ नम्बर पुलबाट तल खोलामा खसेको थियो ।
गम्भीर घाइतेमध्ये थप दुई जनाको बिहीबार राति उपचारको क्रममा मृत्यु भएपछि मृतकहरूको संख्या १८ पुगेको र सबैको सनाखत भएको बाराका प्रहरी प्रबक्ता राजेश थापाले जानकारी दिए । मृतक मध्ये १० जना पुरुष र ८ जना महिलाहरू रहेको थापाले बताएका छन् । दुर्घटनामा घाइते भएकाहरूको हेटौँडाको विभिन्न अस्पतालमा उपचार भइरहेको उनले बताए ।
दुर्घटनामा परी मृत्यु हुनेहरू
चितवनको खैरहनी नगरपालिका–५ बुडौली बस्ने ६३ वर्यीया नन्दकुमारी पुडासैनी
कालिका नगरपालिका रमाईलो चोक बस्ने १५ वर्षीय सफल कँडेल
खैरेनी नगरपालिका–५ बस्ने ३५ वर्षीय मनोरथ पुडासैनी
मकवानपुरको हेटौँडा उपमहानगरपालिका–७ बस्ने ५६ वर्षीय शुभलक्ष्मी श्रेष्ठ
मकवानपुरको हेटौँडा उपमहानगरपालिका–७ बस्ने सोस्तिका श्रेष्ठ
ओखलढुङ्गा बस्ने लालबहादुर बोगटी
गोरखा बस्ने ३५ वर्षीय अम्बिका कँडेल
धनुषाको जनकपुर उपमहानगरपालिका–५ बस्ने ५० वर्षीय सन्तोषकुमार राय
बारा कलैया उपमहानगरपालिका–२ का ४० वर्षीय लिलाराज चौधरी
कलैया–१० का ३५ वर्षीया नाजलिन खातुन
कलैया–१० का २५ वर्षीया इताजत अन्सारी
जितपुरसिमरा उपमहानगरपालिका–२२ का २८ वर्षीय सुरेश विक
बारा करैयामाई गाउँपालिका–२ घर भई चितवन भरतपुर–१२ बस्ने १६ वर्षीया प्रितिका चौधरी
सूवर्ण गाउँपालिका–७ बस्ने ५५ वर्षीय रामआश्रय राय यादव
वीरगञ्ज महानगरपालिका–१६ बस्ने ६५ वर्षीय सोमप्रसाद चौरासिया
वीरगञ्ज महानगरपालिका–१६ बस्ने ३६ वर्षीया मन्निदेवी चौरासिया
वीरगञ्ज महानगरपालिका–१६ बस्ने ६० वर्षीया मालती देवी चौरसिया
सखुवाप्रसौनी गाउँपालिका–६ लखनपुर बस्ने ५५ वर्षीय गया राउत कम्कर
