काठमाडौं । गायक तथा युवा उद्योमि आरोहण श्रेष्ठको शब्द रचना तथा गायनमा तयार भएको सपनाको घर गीतको म्युजिक भिडियो सर्बजनिक भएको छ । जेनेसिस इभेन्टस प्रा. लि. को पहिलो प्रस्तुति रहेको “सपनाको घर” गीतमा नायिका नम्रता सापकोटा तथा नायक शिशिर शिवाकोटीको अभिनय रहेको छ ।
आज राजधानी आयोजित एक कार्यक्रमका बीच प्रेम कथामा आधारीत उक्त गीतको म्युजिक भिडियो सार्वजनिक गरिएको हो । सो गीतको निर्देशन युवा निर्देशक नारायण प्रधानले गरेका हुन ।
इलाम, झापा लगायतका स्थानमा छायांकन गरिएको म्युजिक भिडियोको छायांकन रोशन मर्हजन र अनिष तामाङ्गले गरेका हुन। सपनको घरमा बज्र क्रियशनका कोबिद बज्र र बिकेश बज्रको संगीत रहेको छ ।
