विश्वप्रसिद्ध वैज्ञानिक थोमस एल्वा एडीसनलाई आफ्नो कामप्रति बडो लगाव थियो । जब उनी आफ्नो धुनमा प्रयोगशालामा रहन्थे तब घण्टौँसमम बाहिर निस्कँदैनथे । उनको यो बानीदेखि दिक्क भएर उनकी पत्नी रिसाउने गर्थिन् ।
एक दिन त हद भयो । एडीसन धेरै समयदेखि प्रयोगशालामा बसिरहेका थिए । पत्नीले बारम्बार भनेर पनि बाहिर आइरहेका थिएनन् पछि बल्लबल्ल उनी बाहिर आए तब उनकी पत्नीले उनलाई सल्लाह दिइन्, तिमी रातदिन काममा लागिरहन्छौ, कहिलेकाहीँ त छुट्टी लिने गर ।
तर छुट्टी लिएर म कहाँ जाऊँ ? जहाँ तिम्रो मन बहलिन्छ त्यहीँ जाऊ ।
ठीक छ म फेरि त्यहीँ जान्छु । यति भन्दै एडीसन फेरि आफ्नो प्रयोगशालामा छिरे ।
साभारः ‘प्रेरक प्रसङ्हरु’ पुस्तकबाट
