पानी हाम्रो शरीरको प्राणधारण गर्ने चीज हो । पानीले मानव शरीरको ६०–७०% भाग ओगट्दछ र अन्तरकोशीय माध्यमको रुपमा धेरै काम गर्छ । शरीरमा पानीको मात्रा घट्दै गएमा रगत कम भएर मांसपेशीको क्रियाशीलता कम हुने र विविध समस्या उत्पन्न हुन्छन् । अझ तत्काल १२% पानी शरीरबाट कम भएमा मृत्यु भइहाल्छ ।
पानी हाम्रो शरीरको लागि महत्वपूर्ण छ । पानीले हाम्रो शरीरमा निम्न काम गर्दछ—
हर्राे पाकेको, तर नयाँ चिल्लो, गोलो भएको र पानीमा राख्दा डुब्ने भयो भने राम्रो मानिन्छ ।
आहार शोषण गरी पौष्टिक तत्वलाई विभिन्न ठाउँमा पु¥याउँछ ।
अनावश्यक वस्तुलाई शरीरबाट बाहिर निकाल्छ ।
शरीरको तापक्रम नियन्त्रण गर्दछ ।
शरीरको सामान्य क्रियाकलाप सञ्चालन गर्दछ ।
सामान्यतया एउटा व्यक्तिलाई २४ घण्टामा २.५ लिटर पानी चाहिन्छ, जुन सफा पानी, खाना, फलफूल आदिबाट प्राप्त हुन्छ । धेरै पखाला, बान्ता, ज्वरो, पोलाई रगत बगेमा धेरै पानीको आवश्यकता पर्छ ।
शरीरमा पानीको मात्रा घटेमा देखिने समस्या
मानिस दुब्लाउँदै, कमजोर हुँदै जान्छ र पानीको उपस्थितिमा हुने सामान्य काम पनि हुन्न ।
कब्जियत, छाला सुख्खा भई चाउरिने र रिस उठ्ने ।
मूत्र प्रणाली, रक्तसञ्चार प्रणाली र श्वास–प्रश्वास र पाचन प्रणालीसम्बन्धी गडबडी हुने, महिनावारीमा पीडा हुने हुन्छ । मानव शरीरमा पानीको महत्वपूर्ण भूमिका हुने भएकोले सफा र स्वच्छ पानीको मात्र प्रयोग गरौँ, रोगहरुबाट मुक्त हुनको निमित्त प्रयास गरौँ ।
साभारः ‘दीर्घजीवनका रहस्यहरु’ पुस्तकबाट
