पेशावरः सन् २०२३को जनवरीदेखि मार्चसम्म खैबर–पख्तुनख्वा (केपी) मा भएको विभिन्न आक्रमणमा परिभ १२७ प्रहरी अधिकारीहरू मारिएको द न्यूज इन्टरनेशनलले समाचार लेखेको छ।
एक अधिकारीका अनुसार जनवरीमा १ सय १६, फेब्रुअरीमा २ र मार्चमा नौ जनाको हत्या भएको थियो । २०२३ को पहिलो त्रैमासिकमा भएका आक्रमणहरूमा मारिनेहरूमध्ये कम्तीमा चार प्रहरी नायब उपरीक्षक (डीएसपी) र केही कनिष्ठ प्रहरी अधिकारीहरू थिए।
अधिकांश आक्रमणहरू खैबर– पख्तुनख्वाका दक्षिणी जिल्लाहरूमा भएका छन्। यस वर्षको पछिल्लो घटना दुई हप्ता अघि लक्की मारवाटमा भएको थियो । जहाँ एक डीएसपी र तीन अन्य प्रहरी अधिकारीहरू मारिएका थिए ।
पाकिस्तानमा २०१७ मा ३६ प्रहरी, २०१८ मा ३०, २०१९ मा ३८, २०२० मा २८ र २०२१ मा ५९ प्रहरीमाथि आक्रमण भएको थियो। तर, २०२२ मा प्रहरीको मृत्यु हुनेको संख्या १२० पुगेको थियो । तर अहिले पहिलो त्रैमासिकमा मृत्यु हुनेको प्रहरी संख्या गत वर्षको भन्दा धेरै भईसकेको छ ।
विगत दुई वर्षदेखि विभिन्न क्षेत्रका प्रहरी चौकीहरू ग्रेनेड र भारी हतियारको चपेटामा पर्दै आएका छन् ।
केपी क्षेत्रका प्रहरी महानिरीक्षक (आईजीपी) अख्तर हयात खानले संवेदनशील क्षेत्रका प्रहरी चौकी र स्टेशनहरूलाई थप जनशक्ति, भारी हतियार, रात्रि इमेजिङ स्कोप, एपीसी र तिनका भवनहरू आक्रमणलाई रोक्न र शान्ति सुरक्षा कायम गर्न उचित रूपमा सुरक्षा गरिएको द न्यूज इन्टरनेशनलमा समाचार छ । ।
यस वर्ष प्रहरीमाथि सबैभन्दा धेरै आक्रमण जनवरीमा भएको थियो जब एक आत्मघाती हमलाकारीले जुहरको नमाजको समयमा पेशावर पुलिस लाइन्सको मस्जिदमा आफ्नो भेस्ट वरिपरि टाँसिएको विस्फोटक विस्फोट गराएको थियो। विष्फोटपछि मस्जिदको छाना खसेको बेला करिब ४ सय मानिस मस्जिदभित्र थिए । त्यो आक्रमणमा अहिलेसम्मकै कति हताहत भयो भन्नेमा अझै एकिन हुन सकेको छैन् ।
पछिल्ला केही महिनाहरूमा, देशमा कानून र व्यवस्थाको स्थिति ( विशेष गरी खैबर–पख्तुनख्वा र बलुचिस्तानमा) बिग्रिएको छ । आतंकवादी समूहहरूले देशभरि दण्डहीनताका साथ हमलाहरू सञ्चालन गरिरहेका छन्। नोभेम्बरमा तेहरिक–ए–तालिबान पाकिस्तानसँगको वार्ता टुटेपछि, आतंकवादी समूहले विशेष गरी केपी र अफगानिस्तानको सीमावर्ती क्षेत्रहरूमा प्रहरीलाई लक्षित गरी आफ्ना आक्रमणहरू तीव्र पारेका छन्। बलुचिस्तानका विद्रोहीहरूले पनि आफ्नो हिंसात्मक गतिविधिलाई तिव्र पारेका छन् र प्रतिबन्धित टीटीपीसँग औपचारिक सम्बन्ध बनाएको, डनले पत्रिकाले उल्लेख गरेको छ ।
