काठमाडौं । नेपालीलाई भुटानी शरणार्थी बनाएर विदेश पठाएको आरोपमा ३ जना पक्राउ परेका छन् । केशव दुलाल, सानु भण्डारी र टेक गुरुङलाई उपत्यका अपराध अनुसन्धान कार्यालयले पक्राउ गरेको हो ।
अपराध अनुसन्धान कार्यालयले जनाए अनुसार पछिल्लो ३/४ वर्षमा ८१ जनालाई उनीहरुलाई विदेश पठाइसकेका छन् । विदेश पठाइदिने बहानामा नेपाली नागरिकलाई भुटानी शरणार्थीको कागज बनाएर विदेश पठाउने क्रममा २५ देखि ३० लाख रुपैयाँसम्म लिएको एक प्रहरी अधिकारीले जानकारी दिए ।
